Reka: Dy kushtet e Maqedonisë së Veriut për fillimin e negociatave – Tv Koha
Lajmi i Ditës Maqedoni

Reka: Dy kushtet e Maqedonisë së Veriut për fillimin e negociatave

Ish-kandidati për president, Blerim Reka ka theksuar për “Ora News” se janë dy kushte që duhet të plotësojë Maqedonia e Veriut për të hapur mundësinë për marrjen e datës për fillimin e negociatave për anëtarësim në BE.

Sipas tij Maqedonia e Veriut duhet të plotësojë dy kritere që kanë të bëjnë me sundimin e ligjit, zbardhja e rastit “Zhvatja” dhe aprovimi i ligjit për Prokurorinë Publike.

“Unë edhe në prill të këtij viti thoja që Maqedonia nuk do të marrë datë ne qershor dhe unë tani po e them sepse është shumë vështirë të marrë datë ne tetor. Pse? Janë 3 shtete anëtare Franca, Holanda dhe Gjermania, të cilat nuk janë të bindura se Maqedonia ka bërë përparim në reformimin e sundimit të ligjit. Rasti “Zhvatja” nuk ka qenë rast në prag të marrjes së datës në qershor, është paraqitur në 15 korrik. Kjo do të thotë se ne tani kemi dy limite kufizuese për marrjen e datës. Është zbardhja e rastit “Zhvatja” përkatësisht demonstrimi se ka kapacitet menaxhues ky shtet që ta zbatojë sundimin e ligjit. E dyta, në 15 shtator përfundon mandati i Prokurorisë Speciale. Negociatat janë në vijim mes qeverisë dhe opozitës maqedonase për ligjin e ri të Prokurorisë, në të cilën do të inkorporojë Prokuroria Speciale. Ky është një kusht i pa thënë shprehimisht nga Brukseli, por në 16 tetor në tavolinë nëse deri më 15 shtator nuk aprovohet ligji për Prokurorinë Publike, ne mund ti themi lumturië datës për në tetor. Me fjalë të tjera jam skeptik se në tetor Maqedonia do të marrë datë për negociatat nëse nuk i plotëson këto dy kushte që kanë të bëjnë me sundimin e ligjit”, nënvizoi Reka.

Related posts

Kufijtë të hapura, më frekuente VK Tabanoc dhe Bllacë

Televizioni Koha

FRODEM: Zgjedhjet të zgjasin tre deri në pesë ditë

Televizioni Koha

Filipçe njoftoi se 200.000 vaksina kineze do të mbërrijnë më 28 prill

Televizioni Koha

Leave a Comment