Reka në Kërçovë, Pendarovski në rajonin e Shkupit dhe Siljanovska në Krushevë – Tv Koha
Maqedoni

Reka në Kërçovë, Pendarovski në rajonin e Shkupit dhe Siljanovska në Krushevë

Kandidatët për president edhe sot në takime me qytetarët, tribuna dhe mitingje e vazhdojnë fushatën zgjedhore me prezantimin e programeve dhe koncepteve të tyre.

Kandidati për president, Blerim Reka, i cili mori mbështetje nga BESA dhe Aleanca për Shqiptarët, sot do të mbajë miting në Kërçovë.Karvani i koalicioni “Së bashku përpara” të kandidatit për president Stevo Pendarovski do të jetë në takime me qytetarët e Zelenikovës, Petrovecit, Ilindenit, Haraçinës dhe Gazi Babës. Ai do të marrë pjesë edhe në aksionin vullnetar të Qytetit të Shkupit.

Kandidatja për presidente e VMRO-DPMNE-së dhe koalicionit, Gordana Siljanovska Davkova, do të mbajë mitingje në Krushevë dhe në Prilep.

Në fushatën e deritanishme ndër temat kyçe të kandidatëve që kanë dhënë qëndrime të tyre ishin Marrëveshja e Prespës, problemi me emigracionin e të rinjve, perspektivat për anëtarësimin e shtetit në NATO dhe në BE, por edhe tema ditore politike.

Sipas paralajmërimit nga shtabet zgjedhore, Siljanovska Davkova do të prezantohet në mitingun qendror në Shkup gjatë fundjavës që po afrohet më 13 prill, ndërsa një ditë më pas 14 prill, miting qendror do të ketë edhe Pendarovski. Reka do të ketë konventë përfundimtare më 18 prill.

Fushata zyrtarisht filloi më 1 prill, ndërsa do të zgjasë deri më 19 prill, pas çka vijon heshtje 24 orëshe zgjedhore para ditës së votimit më 21 prill. fb/

Related posts

Karaxhovski: Nuk ka lehtësim të masave derisa nuk marrim informacion për trendin e lëvizjes së COVID-19

Televizioni Koha

Fshati Tearcë ballafaqohet me mungesë të ujit për pije

Televizioni Koha

TEUTA ARIFI NGA SHIPKOVICA: MANDATIN E DUA PREJ QYTETARËVE, PËR NJË JETË MË TË MIRË

Televizioni Koha

Leave a Comment