Lajmi i Ditës Maqedoni

Reka nga Tetova: Shënojmë histori për një Republikë për të gjithë, ligji mbi të gjithë

Kandidati për president Blerim Reka nga Tetova në tubimin e fundit në kuadër të fushatës së tij kërkoi që votuesit në mënyrë masive të votojnë pa marrë parasysh se cilës parti i përkasin. Porositi se votat e të gjithëve do ta bëjnë Maqedoninë e Veriut multietnike dhe euroatlantike.

“Shënojmë histori për një Republikë për të gjithë,. me ligjin mbi të gjithë. Për Republikën ku sundon drejtësia, e jo individi. Kundër shtetit të robëruar, të privatizuar, kundër korrupsionit, nepotizmit dhe drejtësisë selektive. Veçanërisht kundër tregtisë me vota”, tha Reka.

Ai i porositi oponentët politikë se kot merren me të dhe se votuesit do t’i fitojnë të dielën.

“Kjo prani e juaj është përgjigjja më bindëse drejtë atyre të cilët me ditë të tëra me gjuhë të urrejtjes paralajmëronin varrime dhe merreshin me të vdekurit e familjes sime. Por sonte nuk do të merrem me ta, sepse votuesit do t’iu përgjigjen më së miri të dielën. Së bashku me ju përfundojmë drejtë rrugës së fitores”, potencoi Reka.

Liderët e Aleancës për Shqiptarët dhe Besës, Ziadin Sela dhe Billall Kasami kërkuan që shqiptarët të votojnë për Blerim Rekën.

“Vota për Rekën është respekt për të gjithë shqiptarët të cilët ishin në burg për barazi dhe dinjitet të popullit. Të tregoni më 21 prill revoltë kundër premtimeve të parealizuara për drejtësi. Kjo do të jetë porosi se shqiptarët janë këtu dhe do të mbeten”, tha Sela.

Kasami porositi se në këto zgjedhje presidenciale duhet të delegjitimohet pushteti.

“Të mos harrojë Zaevi se regjimi i Gruevskit ishte rrëzuar me votën e shqiptarëve. Mund të them se edhe regjimi i Zaevit dhe bashkëpunëtorëve të tij do të rrëzohet njëjtë me votën e shqiptarëve, me votën e Blerim Rekës”, theksoi Kasami.

Në tubim mbështetje për Blerim Rekën kërkoi edhe lideri i lëvizjes Vetëvendosje nga Kosova, Albin Kurti. as/fc/

Related posts

Lëvizja BESA, dënon ashpër veprimet e Komunës së Gazi Babës ku shqiptarëve u pamundësohet arsimi në gjuhën shqipe

Televizioni Koha

Ruskovska: Zaev i pari na ka njoftuar për rasin “Reket”, na pyeti nëse mundet të ngritë padi

Televizioni Koha

Dasmori shqiptar dëshiron t’i dhurojë disa para në sofër, por pendohet kur e fut dorën në xhep (VIDEO)

Televizioni Koha

Leave a Comment