Sipas raportit javor të Institutit të Shëndetit Publik në periudhën nga 22 deri më 28 shkurt 2021, janë testuar gjithsej 20.161 materiale në laboratorët ku kryhen testet molekulare dhe testimin e antigjenit për praninë e SARS-CoV-2, 27.2 përqind më shumë në krahasim me javën e kaluar. Janë regjistruar 3.628 raste të reja pozitive nga 32 qytete të vendit, me rritje prej 56.4 përqind krahasuar me javën e kaluar, përqindja e pozitivitetit varion nga 12 në 21.7 përqind, mesatarisht prej 17.9 përqind, njofton Portalb.mk.
Shumica e rasteve të regjistruara janë nga Shkupi, kurse incidenca më e lartë javore është regjistruar në Negotinë dhe Kavadar.
“Personat e infektuar janë nga të gjitha grupmoshat. Grupmosha më e zakonshme është mbi 60 vjeç. Numëri më i madh i pacientëve është regjistruar te grupmoshat 30-39 (18.4 përqind), 40-49 (18.2 përqind), 50-59 (16, 9 përqind) dhe 20-29 (14.6 përqind). Numri më i ulët është regjistruar në mesin e fëmijëve të moshës 0-9 (1.7 përqind) dhe 10-19 vjeç (5.2 përqind). Janë raportuar 69 vdekje nga 20 qytete, një rast më pak se javën e kaluar. Për sa i përket moshës, 60 persona ishin mbi 60 vjeç, 5 persona të moshës 50-59 vjeç, 3 persona të moshës 40-49 vjeç dhe një person i moshës 30-39 vjeç”, thuhet në Raport.