Nxënësit që përfundojnë shkollën e mesme dhe janë paraqitur në provimin e maturës shtetërore, nesër në orën 10 të mëngjesit do të japin provimin e parë ekstern – gjuhën amtare, e cila është e detyrueshme për të gjithë 15.294 kandidatët që kanë aplikuar për maturën këtë vit shkollor, transmeton Portalb.mk.
Sipas të dhënave të Qendrës Shtetërore e provimeve (QShP), nga numri i përgjithshëm i regjistruar, 7050 janë nga arsimi i mesëm, 7983 nga arsimi i mesëm profesional dhe 261 nga arsimi i mesëm artistik. Të gjithë të japin provimin e lëndës së gjuhës amtare – gjuhë dhe letërsi maqedonase, 10 848 kandidatë, gjuhë dhe letërsi shqipe 4078 dhe 272 – gjuhë dhe letërsi turke.
Provimi i dytë ekstern, i cili është zgjedhor, do të jepet më 11 qershor. 1529 maturantë zgjodhën matematikën. Si në vitet e mëparshme, më shumë kanë zgjedhur gjuhë huaj, ndërsa numri më i madh i të paraqiturve janë në anglisht (13 452). Gjuhë gjermane kanë zgjedhur 140 nxënës, frëngjisht 32, rusisht 18.
Sipas gjuhës mësimore, 10,886 maturantë janë regjistruar për dhënien e provimeve në gjuhën maqedonase më 11 qershor, 4,134 në shqip dhe 274 në turqisht.
Rezultatet e testit do të shpallen brenda 30 ditëve nga provimi i fundit (i dytë) ekstern.
Vitin e kaluar, matura nuk u organizua për shkak të pandemisë, ndërsa për këtë vit u krijua një protokoll shëndetësor për ditët e provimit. Maksimum 15 nxënës lejohen të jenë në klasë, vetë shkollat do të sugjerojnë se sa mund të akomodojnë në provime, prandaj në disa klasa numri do të jetë më i vogël se ky maksimum.
Do të ketë rreth 2000 testues dhe rreth 300 vëzhgues, të cilët janë vaksinuar, kurse për maturantët që do të kenë koronavirus në provimet e 5 dhe 11 qershorit ose do të jenë në izolim, do të mundësohen termine shtesë më 25 dhe 28 qershor, duke dorëzuar vërtetim në komisionet e shkollës.
Pas dhënies së provimeve eksterne, maturantët deri në fund të muajit do të japin edhe dy provimet interne, ndërsa përveç kësaj, kishin detyrim të përgatisnin edhe detyrë projektuese e cila, sipas kalendarit, është realizuar nga 15 marsi deri më 30 prill.
Programet e provimit për lëndët e përfshira në maturë (eksterne dhe interne) të cilët përkundër uljes së numrit të provimeve eksterne nga tre në dy, ishte gjithashtu ndër kërkesat e Unionit të Shkollave të Mesme dhe i pranuar nga Qeveria në shkurt.
Maturantët që nuk do ta kalojnë maturën në qershor, do të kenë shans të dytë në sesionin e gushtit – datat janë 11 gusht për provimin e parë ekstern dhe 13 gusht për provimin e dytë ekstern.
