Ministria e Shëndetësisë në Maqedoni informon se në 24 orët e fundit nga coronavirusi janë shëruar 24 pacientë, të cilët të gjithë janë kuruar në kushte të shtëpiake.
Bëhet fjalë për 4 pacientë nga Shkupi, 4 nga Dibra, 1 nga Strumica, 1 nga Kumanova, 3 nga Shtipi, 3 nga Prilepi, 5 nga Koçani dhe tre nga Tetova, përcjell Telegrafi Maqedoni.
Me këto raste, numri i përgjithshëm i të shëruarve nga Covid-19 shkon në 224.
Ndërsa nga ana tjetër, nga MSH informojnë se në 24 orët e fundit ka ndërruar jetë edhe një pacientë (70-vjeçar nga Llabunishta e Strugës).
Me rastin e sotëm, numri i personave që e kanë humbur jetën nga coronavirusi shkon në 55.
Ndryshe, kjo është dita e dytë (pas të djeshmes) që numri i personave të shëruar është më i madh se të infektuarve.
Sot, zyrtarisht janë regjistruar vetëm shtatë raste të reja të të infektuarve, ndërsa numri i përgjithshëm është 1231./Telegrafi/
