Shkon në 29 numri i viktimave si pasojë e lëkundjeve të fuqishme të tërmetit që goditën vendin tonë këtë të martë, më 26 nëntor.
Rreth orës 10.05, në zonën e Thumanës janë nxjerrë të pajetë nga rrënojat e banesës së tyre Pëllumb Greku me të shoqen Çelike Greku.
Deri më tani bilanci është me 29 viktima, 650 të lënduar, 47 të shpëtuar dhe disa të humbur nën rrënoja.
Në orët e para të mëngjesit të sotëm, djali i tyre 31-vjeçari Saimir Greku ndërroi jetë në spital për shkak të lëndimeve të brendshme që kishte pësuar.
Gjithashtu është nxjerrë i pajetë nga rrënojat e pallatit në Thumanë, Klement Çupi, ndërsa vijon puna për nxjerrjen e trupit të pajetë të babait të tij Hajredin Çupi.
Klement Çupi ishte kthyer nga Anglia vetëm dy ditë më parë. Një ditë më parë nga rrënojat u nxor i gjallë djali tjetër i Hajredin Çupit.
Ndërkohë forcat e shpëtimit dhe forcat speciale vijojnë kërkimet në zonën e Thumanës për të mbijetuar.
Emrat e shqiptarëve që u shuan nga tërmeti fatal
Të ndjerët janë:
Diena Meçaj 30 vjeçe, së bashku me vajzën e saj 8-vjeçare Esiela e cila vdiq pak orë para saj
Isa Abazi, 32 vjeç
Shemsedin Abazi, 36 vjeç (vëllezërit nga Kosova)
Kristian Reçi 24 vjeç (I riu i cili kishte vetëm dy ditë që kishte dalë nga burgu)
Sardi Çuka dhe nëna e tij (nuk dihet identiteti)
Evi Kardashi (Balerina në “Miramare” në Durrës)
Sadete Lala
Emilio Lala
Ilir Lala (i paralizuar, në një familje me Sadeten)
Drita Cakoni (15-vjeçarja që e kërkonte daja e saj me pasaportë në dorë)
Bukurie Leka 70-vjeçe
Ersid Hoxholli 32-vjeç (ra nga ballkoni në Mamurras)
Erisa Cara
Almir Cara
Fatmira Cara
Anthi Cara
Sadajana Cara
Stela Cara
Hasan Cara (Të shtatë viktimat familjarë me njëri-tjetrin)
Bajram Hajdarmataj (Kryekomisari dhe Pedagogu)
Saimir Greku
Klement Çupi