Përmes një statusi në rrjetin social Facebook, kryetari i Komunës së Kumanovës, Maksim Dimitrievski ka shpalosur sipas tij frikën nga projekti kapital Korridori 8.
Dimitrievski i cili është i njohur për qëndrimet e tija anti-shqiptare me doza të theksuara nacionalizmi, e ka quajtur këtë projekt lidhës në mes Shkupit-Tiranës dhe Prishtinës si hartë të Iliridës.
“Korridori 8 lidh Shkupin – Prishtinën dhe Tiranën. Parashtrohet pyetja se projektimi i korridorit paraqet hartën e Iliridës të cilën shumë herë deri tani e kemi parë. Asnjë nga bartësit e funksioneve politike nuk e hapi këtë çështje për tu diskutuar”, ka shkruar Dimmitrievski.
Në intervistën e tij në Sitel ai ka shprehur dhe qëndrimet kundër ndaj rrugës progresive dhe frontit pro BE që ndjek qeveria aktuale.
