Skenës politike shqiptare në Maqedoninë e Veriut pritet ti shtohet edhe një parti e re politike.
Edhe përkundër numrit të madh të tyre dhe parcializimit të votës shqiptare, ky trend nuk ka të ndalur, përcjell INA.
Nisma për subjektin e ri politik vjen nga ish kryetari i FKBSH-së apo i njohur si përfaqësuesi politik i ish-AKSH-së,, Gafurr Adili nga Kërçova.
Ai ka theksuar se nismës së tij i janë bashkuar edhe bashkëveprimtarë të tjerë, mes të cilëve Dervish Alimi dhe Fadil Basha.
“Me dy bashkëmendimtarët e mi, (“rrebelat kërçovarë”), ish aktivistë të Lëvizjes Besa, inisiatorë të themelimit të partisë së re:
NDSH (Nacional – Demokratike Shqiptare)”, ka shkruar Adili në rrjetet sociale.
Ai në zgjedhjet e fundit i dha përkrahje partive shqiptare, përpos BDI-së.
Ndërkohë për tu aktivizuar është përmendur edhe PPD, por edhe një formacion i ri Lëvizja Ilirida.(INA)
