Sot në Reçicë të Madhe u lëshua në përdorim rruga tek ambulanca në këtë fshat, e cila ishte një nga më të dëmtuarat nga përmbytjet katastrofike që përfshinë rajonin e Tetovës vetëm dy vite më parë.
Rikonstruimi i plotë i rrugës është bërë nga buxheti i komunës së Tetovës gjithsejtë 4.5 milion denarë e cila është rregulluar me pllaka bekatoni me një gjatësi prej 2500m. Paralel është bërë instalimi tokësor i ndriçimit publik dhe furnizimit me ujë.
Gjithashtu janë vendosur edhe pajisje urbane dhe janë rregulluar hapësirat e gjelbërta në këtë rrugë.
Kjo është pjesë e disa projekteve që përfundojnë në këtë fshat, i cili ishte një nga vendet që pësoi më shumë gjatë përmbytjeve në rajonin e Pollogut.
Stuhitë e rënda, pasuar me erë dhe reshjet e mëdha, shkaktuan përmbytje dhe rrëshqitje të dheut në Tetovë, shkaktuan dëme të mëdha materiale pronave, private, shtetërore, ndërtesave, infrastrukturës, tokës bujqësore..etj /TV KOHA/