Dorëheqja prej Ministrit të Brendshëm, Naqe Çulev, në lidhje me liturgjinë e mbajtur në Strugë, sipas kryeministrit Oliver Spasovski, është veprim moral. Mosrespektimi i vendimeve, mosveprimi i nëpunësve të policisë për të marrë masat e duhura, sigurisht që kërkon përgjegjësi, tha kryeministri.
“Ne kemi arritur konkluzione dhe kemi kërkuar nga të gjitha institucionet kompetente që ta zbardhin këtë rast edhe për organizatorët, për ata që kanë marrë pjesë, ata që nuk i respektojnë vendimet e Qeverisë dhe kështu në mënyrë të drejtpërdrejtë e vënë në pikëpyetje jetën dhe shëndetin e qytetarëve për të hapur procedura. Ne kërkuam që të hapet procedurë edhe në pjesën e organizimit të ngjarjes në MPB”, tha kryeministri sot duke iu përgjigjur pyetjeve të gazetarëve pas fjalimin para Monumentit të çlirimtarëve të Shkupit në oborrin e Qeverisë së Republikës së Maqedonisë së Veriut, me rastin e 9 Majit.
Sipas tij, dorëheqja është sigurisht një akt moral. “Ne, shtoi ai, jemi në një kohë që është jonormale, një kohë që na largon të gjithë nga mënyra e zakonshme e jetesës dhe një kohë që do të kërkojë normalitet të ri në të ardhmen. Mosrespektimi i vendimeve, mosveprimi i nëpunësve të policisë dënohet me masa të përshtatshme, sigurisht që kërkon edhe përgjegjësi. shk/
