Studentët kërkojnë bursë sociale dhe pajisje për ndjekjen e mësimit online – Tv Koha
Lajmi i Ditës Maqedoni

Studentët kërkojnë bursë sociale dhe pajisje për ndjekjen e mësimit online

Parlamenti studentor në Universitetin “Shën Kirili dhe Metodi” ka kërkuar nga Qeveria të ndërmarrë dy masa për t’u dalë në ndihmë familjeve të cilët kanë studentë dhe studentëve.

Masa e parë parasheh bursë sociale të jashtëzakonshme për familjet që kanë student, kjo në vlerë prej 16 mijë denarë, ndërkaq masa e dytë parasheh furnizim të studentëve me pajisje që të mund të ndjekin mësimin online.

“Kërkojmë bursë sociale të jashtëzakonshme për familje që kanë student e kurse të ardhurat i kanë në 14 mijë denarë. E dimë se studentët kanë nevojë për harxhime më të mëdha dhe këto të ardhura nuk do të përmbushnin nevojat e studentëve. Bursa kërkojmë të jetë në vlerë prej 16 mijë denarë. Kemi ngritur edhe iniciativë për regjistrim të studentëve që nuk kanë pajisje për ndjekjen e mësimit online”, tha pjesëtari i Parlamentit studentor në USHKM, Goran Eftimov gjatë konferencës për media.

Kërkesat sipas tij vijnë për faktin se 70 për qind e studentëve financohen nga familjet e tyre, ndërkaq 30 përqindëshi tjetër jetojnë me vetë-financim, që do të thotë punojnë jashtë procesit studimor për të siguruar të ardhura.

Por, nënkryetari i Parlamentit studentor, Ilija Kolev thotë se masat qeveritare me të cilat janë mbyllur lokalet, ka bërë që studentët të kenë zero denarë të ardhura në muaj, pasi nuk mund të punojnë në vendet nga ku kanë siguruar të ardhura.

“Studentët janë të goditur drejtpërdrejt nga kjo krizë, pasi një pjesë e studentëve kryejnë punë në vende të cilat janë të prekura nga masat qeveritare. Kjo ka bërë që shumë masa qeveritare, të ndikojnë të mbyllin këto dyer prej të cilëve kanë fituar studentët dhe kjo ka bërë që të ardhurat e studentëve të bien në zero”, tha Kolev.INA

Related posts

Në 24 orët e fundit janë regjistruar 126 raste të reja të covid-19 në Tetovë 19

Televizioni Koha

Sekretari shtetëror në Ministrinë e Kulturës Valmir Aziri shprehi revoltën për vendimet skandaloz të ministreshës Irena Stefoska

Televizioni Koha

RMV, një numër i qytetarëve nuk mund t’i tërheqin paratë e ndihmës së shtetit për shkak të llogarive të bllokuara nga ana e përmbaruesve, Qeveria nuk ka sqarim

Televizioni Koha

Leave a Comment