Presidenti i shtetit Stevo Pendarovski i priti pjesëmarrësit e konferencës në nivel të lartë “Agjenda e gjelbër për Ballkanin Perëndimor”, që në organizim të institutit Aspen nga Gjermania mbahet në Shkup.
Në takim presidenti Pendarovski ishte njoftuar me programin dhe qëllimet e konferencës, e drejtuar që të ofrojë platformë për pjesëmarrësit nga Ballkani Perëndimor, Gjermania, BE-ja, SHBA-ja, si dhe organizata ndërkombëtare dhe rajonale që të bisedojnë për potencialet e agjendës së gjelbër për Ballkanin Perëndimor.
Siç njoftuan sot nga Kabineti i Pendarovskit, duke e përshëndetur mbajtjen e konferencës, ai ka theksuar se në kohën kur përballemi me krizën energjetike dhe turbulenca ekonomike, nuk guxojmë ta harrojmë agjendën e gjelbër.
Shefi i shtetit Pendarovski ka vlerësuar se konferenca është mundësi e mirë për diskutim dhe identifikim të sfidave dhe potencialeve kryesore të bashkëpunimit rajonal, si faktor i rajonit stabil dhe të prosperuar, dhe nevojës për avancim të saj të vazhdueshëm. Aspekt i rëndësishëm në atë kontekst, sipas presidentit, është perspektiva për integrim të rajonit në Bashkimin Evropian
