28/03/2024
11.8 C
Tetovo

Të tjera lajme

Taravari: Me hapjen e Kushtetutës të hiqet edhe definicioni i 20% për gjuhën shqipe

Ka përfunduar takimi i liderëve të partive politike në RMV, në të cilin është diskutuar për tema të ndryshme.

U.D kryetari i Aleancës për Shqiptarët, Arben Taravari, pas mbledhjes së liderëve tha se ata si parti janë pro hapjes së Kushtetutës dhe futjen e komuniteteve të tjera në Kushtetutë. Por me hapjen e saj të hiqet dhe 20% për shqiptarët.

Ai shtoi se bashkëqytetarët maqedonas duhet t’i kuptojnë shqiptarët për këtë, siç i kuptojnë shqiptarët kur vjen puna për gjuhën e tyre që kontestohet nga bullgarët.

“Hapja e kushtetutës duhet të ndodh sepse Maqedonia nuk ka alternativë tjetër. Futja e bullgarëve nuk e cenon identitetin e shtetit. Kjo mundësi e hapjes mundëson edhe hapjen e çështjeve të tjera, siç është heqja e 20 për qindëshit për definicionin e shqiptarëve”.

“Shqiptarët kanë qenë gjithmonë në krah të maqedonasve kur vjen puna te gjuha, prandaj edhe këta të fundit duhet të na ndihmojnë në mënyrë reciproke”, tha mes tjerash Taravari.

Të fundit