Kryetari i Aleancës për Shqiptarët Arben Taravari, ka reaguar në lidhje me akuzat nga opozita maqedonase se ai ka blerë shtëpi luksoze në një lagje në Shkup me çmim shumë më të ulët.
Taravari në Facebook shkruan se shtëpinë e ka blerë në qershor të viti 2021,
“Për shkak të shpifjeve të vazhdueshme nga VMRO-DPMNE dua të deklarohem para qytetarëve se shtëpia ime në Shkup është blerë në qershor të vitit 2021 dhe për këtë qytetarët mund të vërtetohen edhe zyrtarisht këtu”.
“ASH dhe unë nuk sjellim vendime të sponsoruara nga të mirat materiale. Vendimet tona janë për qytetarët dhe të ardhmen e tyre”, ka shkruar Taravari.
Ndryshe, Aleanca për Shqiptarët do të bëhet pjesë e Qeverisë ndërsa do të udhëheq me Ministrinë e Shëndetësisë dhe Ministrinë e Drejtësisë. Gjithashtu do të merr edhe pozita të zv.ministrave dhe disa drejtorive.
VMRO-DPMNE e akuzoi Arben Taravarin se në këmbim të hyrjes në Qeveri ka marrë shtëpi luksoze në Shkup me çmim jo real./Telegrafi/
