Warning: Cannot modify header information - headers already sent by (output started at /home/content/95/6740595/html/wordpress/index.php:3) in /home/content/95/6740595/html/wordpress/wp-content/themes/pennews/functions.php on line 254
Taravari priti në takim ambasadoren britanike Galloway - Tv Koha
Lajmi i Ditës Maqedoni

Taravari priti në takim ambasadoren britanike Galloway

Kryetari i Komunës së Gostivarit, Arben Taravari ka pritur në takim ambasadoren e Britanisë së Maqdhe në vendin tonë, znj. Rachel Galloway. Në takim është biseduar për situatën me pandeminë, si dhe bashkëpunimin e ndërsjelltë me theks të veçantë realizimin e projekteve që kjo ambasadë i ka financuar në Gostivar. Kryetari Taravari Britaninë e Madhe e cilësoi si vend mik të komunës së Gostivarit dhe Maqedonisë së Veriut në përgjithësi.

“Kënaqësi e veçantë që sot në komunën tonë e kishim mysafire për së dyti herë znj. Rachel Galloway, ambasadore e Britanisë së Madhe me të cilën biseduam për problemet të cilat i ka komuna e Gostivarit, projektet që i kemi realizuar si qeverisje tre vejçare në pushtetin lokal. Biseduam edhe për ide dhe projekte që planifikojmë t’i realizojmë vitin e ardhshëm, një pjesë të bisedës e fokusuam për problemin me pandeminë Covid 19, mënyra si është menaxhuar nga komuna e Gostivarit dhe në nivel republikan. Biseduam edhe për projektet e realizuara në Gostivar të cilët janë financuar nga ambasada e Britanisë së Madhe dhe janë realizuar nga disa shoqata jo qeveritare”, deklaroi mes tjerash kryetari i Komunës së Gostivarit, Arben Taravari.

Kjo ka qenë vizita e dytë e ambasadores Galloway brenda një viti në qytetin e Gostivarit. Ajo falenderoi kryetarin Taravari për mikëpritjen, dhe theksoi nevojën e zhvillimit të mëtejmë të marrëdhënieve shumë të mira në të gjitha fushat me interes të përbashkët.

“Më vjen mirë që vij sërish në Gostivar të takohem me kryetarin Taravari dhe ti falemenderohem për mikpritjen e bashkëpunimin. Sigurisht jemi njoftuar me mënyrën se si vendi, respektivisht komuna e Gostivarit ballafaqohet me situatën me Covid 19. Biseduam edhe për mbështetjen që komuna bën në drejtim të përkrahjes të të rinjëve dhe grupeve të të rinjëve në këtë kohë pandemie. Jam e lumtur që vijojmë të punojmë së bashku me organizatat joqeveritare në Gostivar, ti mbështesim të rinjtë në drejtim të krijimit të qendrave rinore”, deklaroi ambasadorja e Britanisë së Madhe në vendin tonë, znj. Rachel Galloway.

Pas takimit me kryetarin Taravari, ambasadorja britanike ka zhvilluar takim edhe me përfaqësuesit e Këshillit komunal të Gostivarit, me të cilët kanë biseduar mbi menaxhimin e situatës me pandeminë, bashkëpunimin mes grupeve të këshilltarëve dhe realizimin e projekteve të deritanishme nga pushteti lokal i Gostivarit.

Related posts

Grabiten rreth një milion euro në një shtëpi në Shkup

Televizioni Koha

Edhe lulishtet pësojnë nga pandemia, tregtimi i tyre 50-70 % fitim më pak se një vit më parë

Televizioni Koha

Milikije Halimi: “Ndërtuam “Rrugën 5” aty ku dy familjet luftare ishin lënë në harresë!

Televizioni Koha

Leave a Comment