Maqedoni

Thaçi pas takimit: Kandidati për president duhet të jetë i qeverisë

Kryeministri Zoran Zaev vazhdon takimet me partitë shqiptare, me secilën veçmas, për gjetjen e një kandidati konsensual për president, në zgjedhjet që do të mbahen më 21 prill të këtij viti. Pas takimit me delegacionin e partisë Alternativa të udhëhequr nga kryetari Afrim Gashi, Zaev realizoi takim edhe me PDSH-në e Menduh Thaçit.

Ky i fundit pas takimit u tha mediave se me Zaevin kanë diskutuar për disa emra të kandidatëve, por theksoi se gjatë takimit janë pajtuar që Qeveria dhe institucionet duhet të vazhdojnë procesin e normalizimit për shkak të rrugës së vendit drejt anëtarësimit në BE.

Sipas Thaçit, kandidati për president duhet të jet i Qeverisë që do të nënkuptonte vazhdimin e politikave të Qeverisë aktuale për normalizimin e situatës dhe institucioneve të sistemit.

“Unë në princip jam që duhet të jet kandidat i Qeverisë, për shkak se është simbolika e vërtetë e normalizimit të situatës më tutje. Nuk mund të themi për kandidat të veçantë për shkak se janë shumë parti në pyetje”, tha Thaçi.

Related posts

Kurti: Do të bashkëpunoj me partitë shqiptare dhe kryeministrin Zaev

Televizioni Koha

Mot me vranësia dhe reshje shiu, temperatura deri 19 gradë

Televizioni Koha

Pamje trishtuese nga Shqipëria pas tërmetit, shëmben banesat (VIDEO)

Televizioni Koha

Leave a Comment