Ministrja e Punës dhe Politikës Sociale, Jovanka Trençevska, sot vizitoi në një kompani e cila punon në servisim dhe riparim të produkteve elektrike. Qëllimi i vizitës ishte që ministri të takohej me të rinjtë që punojnë në prodhim dhe të promovojë personalisht Ligjin për shtesat për rininë.
“Përmes këtij ligji, të rinjve deri në 23 vjet të cilët janë në aktivitet prodhues u paguhet kompensim nga shteti prej 3.000 denarë në muaj. Përdorimi i kësaj të drejte përfundon kur i riu mbush moshën 23 vjeç. Gjithsej 2.500 persona mbuloheshin nga kjo e drejtë në vitin 2021, ndërsa në vitin 2022 numri u rrit në 3.500.
Ministrja Trençevska e priti menaxherja e kompanisë, Vladanka Trajkovska, e cila e informoi se aktualisht në kompani janë të punësuar gjithsej 5 të rinj deri në 29 vjeç, ndërsa 4 prej tyre janë deri në 23 vjeç.
Ministrja gjatë vizitës së saj në impiantet e punës ka biseduar me punëtorët të cilët nuk e kanë shfrytëzuar masën për kompensim të të rinjve dhe i këshilloi për hapat e shfrytëzimit të kompensimit prej 3.000 denarë. Kjo qasje e informimit të ministrit u pranua nga të rinjtë dhe ata shfaqën interes për aplikimin dhe ushtrimin e kësaj të drejte”, thuhet në njoftimin e MPPS-së./zyrtare/
