Kryesia e Universitetit Shtetëror të Tetovës, me rastin e organizimit të “Ditëve të Hapura”, realizoi konferencë për shtyp për të paraqitur para publikut ofertën akademike për vitin akademik 2020/2021.
Nga sot e deri më 15 maj, për shkak të gjendjes me koronavirusin, të gjithë maturantët e interesuar në internet mund të komunikojnë me profesorët dhe personelin administrativ dhe të marrin përgjigje të menjëhershme.
“Nga sot fillojnë ditët e hapura në Universitet dhe studentët janë të ftuar të studiojnë në një nga 13 fakultetet e ndryshme në studime të ndryshme programore. Universiteti ynë tani është universitet modern që ofron shumë studime moderne në fakultete të ndryshme. Në Fakultetin e Juridikut, një nga risitë është dy programe ku mund të merrni 240 kredi. Këto janë studime juridike me përvetësimin e titullit jurist i diplomuar dhe studime në kriminalistik për kriminalist të diplomuar”, tha në konferencë për shtyp Qebir Havziu, dekan i Fakultetit të Juridikut.
Universiteti ka dorëzuar dokumentacionin e duhur në Ministrinë e Arsimit dhe Shkencës në mënyrë që të përcaktojë numrin e vendeve të lira të punës në fakultet. Afati i parë i regjistrimit do të jetë në muajin gusht. Për komunikimin onlajn brenda ditëve të hapura është e nevojshme të shfrytëzohet mundësia përmes faqes së internetit www.unite.edu.mk. bs/ar/
