Vazhdon gjykimi për “Reket” – Tv Koha
Lajmi i Ditës Maqedoni

Vazhdon gjykimi për “Reket”

Në Gjykatën Penale sot duhet të mbahet seancë për lëndën “Reket” në të cilën akuzohen Bojan Jovanovski – Boki 13 dhe ish prokurorja speciale publike Katica Janeva për larje parash, gjegjësisht për keqpërdorimin e detyrës zyrtare.

Në seancën e kaluar gjykata e ka përjashtuar opinionin nga seanca e “Reket”, në të cilën u prezantuan tre follderët e mbetur nga USB-ja e Zoran Milevski -Kiçeec.

Gjykatësja Vaska Nikollovska-Masevska, vendimin e arsyetoi me atë që e ka përmendur prokurorja se prezantimi publik e cenon reputacionin e personave që nuk janë pjesë e kësaj ngjarje penale juridike.

Rastin e udhëheq gjykatësja Vaska Nikollovska – Masevska, përfaqësuese e aktakuzës është Villma Ruskoska.

Prokuroria Themelore Publike për Ndjekjen e Krimit të Organizuar dhe Korrupsionit në tetor të vitit të kaluar ngriti aktakuzë kundër Bojan Jovanovski, Katica Janeva dhe Zoran Milevski.

I akuzuari Jovanovski dyshohet se ka bërë vepër penale “larje parash dhe të ardhura të tjera nga vepra penale”. E akuzuara e dytë Janeva akuzohet edhe se ka kryer vepër penale “keqpërdorim të detyrës zyrtare dhe autorizimit”.

Në seancën e parë për rastin “Reket”, që u mbajt më 3 dhjetor të vitit të kaluar, i akuzuari i tretë Zoran Milevski-Kiçeec e pranoi fajin, pas çka ishte dënuar me tri vite burg.

MEDIAL.mk

Related posts

Regjistrohen 68 raste të reja me coronavirus në Maqedoni

Televizioni Koha

Spasovski, Angellovska dhe Bekteshi në Samitin e BERZH-it për Ballkanin Perëndimor në Londër

Televizioni Koha

Morena mban gjithë ‘botën’ në duar

Televizioni Koha

Leave a Comment