“Qeveria ende nuk ka vendosur përfundimisht për fatin e Postës së Maqedonisë. Janë dy opsione. Ose të privatizohet, ose të bëhet me partneritet publiko-privat”.
Këtë e tha zëvendëskryeministri i Qeverisë Fatmir Bytyqi. Sipas tij, modeli i cili do të zgjidhet është partneriteti privato -publik ose eventualisht privatizimi. Ai tha se është një proces që sapo ka filluar.
Sipas Bytyqit procedura po shkon ngadalë dhe për momentin po bëhen gati dokumentacionet e duhura, ndërsa, sic shtoi vendimi përfundimtar do të jetë në fillim të vitit 2021.
“Mendoj se diku në çerekun e parë të vitit 2021deri në çerekun e dytë të vitit 2021 do të kemi vendim përfundimtar. Nuk është proces që përfundon në periudhë shumë të shpejtë”, theksoi zv.kryeministri Fatmir Bytyqi.
Barrën për postën do ta mbaj mbi supe Jani Makraduli, i u emërua drejtor në këtë institucion në vend të Ejup Rustemit.
Ndryshe, në maj të këtij viti, raporti i Entit Shtetëror për Revizion, tregoi se nga viti 2012, Posta e Maqedonisë punon me humbje në vlerë prej rreth 10 milionë eurove, prej të cilave 2,5 milion euro janë vetëm të vitit 2018. Edhe përskaj kësaj gjendjeje, Bordi mbikëqyrës i postës ka miratuar lidhje të marrëveshjeve për sigurim menaxherial për 7 drejtorë të postës, gjë që sipas ligjit për Shoqëri Aksionare edhe kanë mundur të mos e bëjnë në kohë të gjendjes së përkeqësuar financiare.//bonzo.info/
