Zaev dhe Mickoski kërkojnë shtyrjen e zgjedhjeve – Tv Koha
Lajmi i Ditës Maqedoni

Zaev dhe Mickoski kërkojnë shtyrjen e zgjedhjeve

 

Kryetarët e dy partive më të mëdha maqedonase, Zoran Zaev dhe Hristijan Mickoski, kërkojnë që të shtyhen zgjedhjet e planifikuara për më 12 prill.

Kryetari i LSDM-së Zoran Zaev, në konferencë për shtyp tha se nuk është koha për politikë, duke shtuar se nuk duhet të lejohet që Maqedonia e Veriut të shndërrohet si Wuhani në Kinë ose Italia, për shkak të përhapjes së coronavirusit, përcjell Telegrafi Maqedoni.

“Së pari shëndet, pastaj zgjedhje”, tha Zaev, i cili shtoi se këtë do ta kërkojë edhe në takimin e liderëve.

Edhe kryetari i OBRM-PDUKM-së Hristijan Mickoski, ka kërkuar të shtyhen zgjedhjet. Ai përmes një postimi në Facebook, thotë se është e nevojshme sjellje e përgjegjshme.

“Nuk ka asnjë arsyetim, njerëzor, logjik, apo pragmatik që zgjedhjet të mos shtyhen. Lufta për pushtet, mbi jetët e qytetarëve është e papranueshme”, ka shkruar Mickoski.

Ndryshe, sot në takimin e Këshillit të Sigurisë që do të mbahet tek presidenti Stevo Pendravoski, pritet të vendoset edhe për shtyrjen ose jo të zgjedhjeve./Telegrafi/

Related posts

Kuvendi i Maqedonisë, Ligji për shtetësi para Komisionit për Mbrojtje dhe Siguri

Televizioni Koha

115 shtetas mbeten të ngujuar në Dibër, pavarësisht se nuk janë banorë të zonës

Televizioni Koha

Kryqi i Kuq do të realizojë fushatë për furnizimin e inkubatorit për foshnjat e akomoduar në Klinikën e fëmijëve

Televizioni Koha

Leave a Comment