Klubi i boksit Kumanova më 14 qershor është organizatore e xhiros së katërt në Ligën e parë të Boksit dhe ligën për të rinj. Klubi boksit “Shkëndija Bioks” nga Tetova në këtë kampionat ekipor do të prezantohet me pesë boksierët më mirë.
Pas suksesit që arritën në kampionatin individual të boksit ku tre boksier nga klubi tetovar “Shkëndija Boks” u shpallën kampion të Maqedonisë së Veriut ekipi i entuziazmuar vazhdon me intensitet të lartë përgatitjet për sfidat e radhës që do të mbahen me 14 qershor në Kumanovë, ku zhvillohet xhiroja e katërt e kampionatit në Ligën e Parë si dhe Ligës për të rinj.
Skuadra që drejtohet nga trajneri i licencuar për boksin amator Jusuf Hashimi aktualisht mban pozitën e dytë në renditje me gjasa reale që pas garave në Kumanovë të ngjitet e para.
JUSUF HASHIMI – KRYETAR I KB “SHKËNDIJA BOKS”
“Në xhiron e katërt Shkëndija Boks nag Tetova do të merre pjesë me pesë boksier të nivelit të ligës në kategorinë e seniorëve dhe dy në kategorinë e të rinjëve. Në këtë kampionat mendojmë se mund të arrijmë sukses dhe në përfundim të këtij kompeticioni të arrijmë qëllimin tonë për vendin e parë . Bazohem këtu se na kemi boksier shumë të mirë të cilët kanë korë pothuajse 80 – 90 përqind fitore’’.
Kryetari i klubit dhe trajneri Jusf Hashimi optimizmin e tij e mbështet tek boksierët cilësor të cilët janë dëshmuar në garat vendore.
JUSUF HASHIMI – KRYETAR I KB SHKËNDIJA BOKS
‘’Ne mendojmë dhe bazohemi në xhirot e kaluara se me të vërtet kemi boksier të mirë , ku vetëm para një jave është mbajtur edhe kampionati individual në nivel republikan ku kemi nxjerr tre kampion të cilët janë dekorua me medaljen e artë janë shpallur, një nën kampion dhe dy vende të treta. Dua të them se kemi boksier të nivelit të lartë të cilët i kanë predispozitat që ti ndihmojnë klubit që ne të arrijmë në vend të parë’’.deklaroi trajneri Jusuf Hshimi
Klubi i boksit “Shkëndija Boks” shpreson se me rezultatet që pritet të shënojë në Kampionatin ekipor do të jenë vazhdimësi e sukseseve që janë duke arritur në garat vendore të organizuar nga Federata e Boksit .
Shaban Sinani – TV Koha
