Kryeministrja e Serbisë Ana Bërnabiq në Shkup tha se falenderon Kishën Ortodokse Serbe që është angazhuar dhe po mundohet për të gjetur zgjidhje për çështjet e pazgjidhura me Kishën Ortodokse të Maqedonisë, përcjell TV21. Bërnabiq thotë se zgjidhja eventuale do të kontribuonte në paqen në rajon.
“Rreth pyetjes tuaj në lidhje me marrëdhëniet dhe bisedimet rreth çështjes së kishave, unë si kryetare e Qeverisë nuk mund të flas për çështjet e kishës dhe nuk mund të komentoj vendimin e Kishës Ortodokse të Serbisë”, tha Bërnabiq.
