Skuadra e Shkëndijës së Tetovës ka marrë një dënim të rëndë nga Federata e futbollit të Maqedonisë së Veriut.
Në total, Komisioni Disiplinor pranë FFM-së i ka shqiptuar dënim prej 105.000 eurove skuadrës shqiptare nga Tetova.
Tv Koha pyeti qytetarët dhe sportdashësit nga Tetova lidhur me këtë vendim. Anketa tregon se qytetarët janë të zhgënjyer nga këto masa dhe nuk besojnë në drejtësi, duke aluduar se FFM-ja për dikend është nënë e për dikend njerkë.
‘’Unë nuk kam koment për shkak se Shkëndija është e mësuar që të dënohet çdo herë, Që në kohën e monizmit u dënoheshe kurse ka nacionalizëm dhe irredentizëm, kurse tash pas rithemelimit gjejnë gjëra tjera .Prej rithemelimit e këndej Shkëndija është skuadra më e dënuese në Europë dhe nuk është çudi se na dënuan. Dënimi vërtet është pa lidhje për mua për shkak se në rast se dikush duhet të dënohet në këtë situatë duhet të dënohet vet Federata e Futbollit për shkak se ata kanë qenë organizator të kësaj ndeshje. Si mundet ata njerëz të futin asi pankarta që thonë ato me përmbajtje nacionaliste ose thonë edhe naciste. Gjithë ai nam arsenali të mjeteve domethënë kjo është e kurdisur që vetëm e vetëm ta dënojnë Shkëndijën. Me këtë kjo s’ka mbaru për shkak se Shkëndija duhet menjëherë të njoftoi instancat ma të larta sidomos UEFA-n dhe të shihet rregullorja e dënimeve se si është bërë. Federata duhet të dënohet , ta dënojë vetveten edhe për shkak të mos rezultateve që i ka me reprezentacionin. Prej kur kanë filluar këta 15-1 është rezultati. Dmth nuk punonë mirë Federata. Ka shumë për të folur por për shkak se koah është e shkurt mund të them që këta këtë gjë e bëjnë ma së tepërmi për shkak se në futboll ka fut hundë, edhe kokë edhe këmbë politika. Kur vinë VMRO-ja në pushtet ndodhin këto gjëra’’ – tha për Tv Koha Habil Bexheti.
‘’Si tifoze e Shkëndijës , sigurisht edhe si qytetare e Tetovës, duke ditur se kam ndjekur Shkëndijën gjatë gjithë jetës time është një akt i shëmtuar nga ana e FFM-së. Edhe pse FFM-ja ka qenë organizatore e kësaj ndeshje e kanë dënuar Shkëndijën me mjete financiare ku kjo sipas meje e FFM-ja kthehet si në kohën kur ka udhëhequr ‘’Xingo’’ , të themi par më shumë se 20 viteve’’ – tha për Tv Koha, Arbenita Meta.
‘’Po si duket se neve historia na përsëritet. Kjo faktikisht është kthimi i viteve të 90-ta , ku faktikisht Shkëndija për një të hedhje të një çakmaku dënoheshe me mija e mija marka atëherë. Dhe tani përsëri pothuajse ajo gjendje është kthye, ajo situatë në të cilën klubet shqiptare janë të diskriminuese . Kështu që Gostivari u tërheqë krejtësisht, ekipi i Ohrit Voska edhe ajo u tërhoq. Pra të diskriminomë skajshmërisht. Neve do të duhet d.m.th të mblidhen klubet shqiptare, të mbajnë një mbledhje dhe të sjellin vendime se çfarë të bëjnë më tutje. Kjo është më e padurueshme ajo që veçanërisht u shprehë tani me këto dënimet drakonike ndaj Shkëndijës’’ – tha për Tv Koha ish-referi Nexhat Kasa.
‘’ Sipas dënimit, është dënim shumë i lartë. Për rrethanat tona klubet tjera kalojnë me dënime shumë më të lehta’’ – tha një qytetar.
‘’Përafërsisht ka dënime ama duhet të ia vlejë dënimi për t`u dënuar. Sipas asaj që thoni ju maqedont akoma më keq i fyejnë shqiptarët edhe nuk dënohen. Unë mendoj se të merren masa edhe ka pala Maqedonie. Të dënohet edhe kjo nëse e meriton aman edhe ajo tjetra. Te na është e padrejtë, te na dënohen tonëtt kurse ato nuk dënohen asnjëherë’’ – tha një qytetar.
“Sa i përket dënimeve, duke si dënimi i madh për klubin e Shkëndisë , Por kompetent për ato punë është normal FFM-ja .Kemi pa që dënime të këtilla ka pasur edhe në Kosovë ku edhe skuadra e Ferizajit është e dënuese me at nivel Ferizaji është edhe një vjet jashtë Kupës së Kosovës. Njëkohësisht edhe Shkëndija është dënua kjo është dënimi që kanë vendosur komisioni disiplinor i FFM-s. Normal që KF Shkëndija me siguri që do të bëje ankesë dhe do të vendos prapë komisioni disiplinor pranë FFM-së për dënimin që ja kanë dhënë Shkëndijës’’ – tha për Tv Koha ish-futbollisti Xhengis Rexhepi.
/Tv Koha/
