Të shtunën maturantët në RMV do të japin provimin e maturës shtetërore

Më 6 qershor (e shtunë), duke filluar nga ora 9:00, nxënësit që janë regjistruar për provimin shtetëror të maturës do të japin lëndën e tyre të parë eksterne. Kandidatët e regjistruar do të japin testet në anglisht, gjermanisht, frëngjisht, italisht dhe rusisht, si dhe në matematikë (në varësi të atij që ka zgjedhur). Po atë ditë, nxënësit që janë regjistruar për provimin shtetëror të maturës profesionale do të japin provimet e anglishtes dhe matematikës, ndërsa maturantët që janë regjistruar për provimin e maturës së arteve do të japin provimin e anglishtes ose historisë.