Federata e Futbollit të Maqedonisë ka njoftuar zyrtarisht se për shkak të finales së Kupës së planifikuar për datën 21 maj 2025, Komisioni për Gara ka vendosur që ndeshjet e xhiros së 33-të dhe të fundit të kampionatit 2024/2025 Ligës së Parë e Futbollit të Maqedonisë së Veriut të mos luhen të dielën më 18 maj, por një ditë më herët, të shtunën, më 17 maj, me fillim nga ora 17:00.
Kjo nënkupton se ceremonia e dorëzimit të trofeut për kampionin e ri të vendit, KF Shkëndija, do të zhvillohet të shtunën në stadiumin e qytetit në Tetovë, pas përfundimit të ndeshjes kundër Sileksit.
Ndërkohë, FFM ka konfirmuar se dy ndeshje nuk do të zhvillohen fare, për shkak se ekipet e Voska Sport dhe KF Gostivar janë diskualifikuar nga gara për këtë edicion.
Të shtunën me fillim në ora 17:00 në javë e 55-të dhe të fundit të kampionatit takohen: Shkëndija – Sileksi, AP Brera – Rabotniçki, Pelisteri – Besa dhe Tikveshi – Struga
