Sot në program janë ndeshjet e para të raundit të dytë eliminatore në UEFA Liga e Kampionëve . Klubi i futbollit Shkëndija është nikoqire e ekipit rumunë Steaua të Bukureshtit, ndërsa Drita e Gjilanit është mysafire e Kopenhagës.
Kampioni i Maqedonisë së Veriut klubi i futbollit Shkëndija sonte në arenën ‘’Todor Proeski’’ në Shkup me fillim në ora 20:00,në kuadër të ndeshjes së parë të raundit të dytë kualifikues për Ligën e Kampionëve përballet me ekipin Steaua. Pra, Shkëndija sonte do të kërkojë të shkruajë një faqe të re në historinë e saj, pasi përballë FC Steaua të Bukureshtit me përkrahjen e publikut dhe me angazhimin maksimal të futbollistëve do të mundohen të nxjerrin rezultat sa më favorshëm që në ndeshjen kthyese pas një jave në Bukuresht të jenë sa më komod dhe të kualifikohen në raundin e tret që sjell edhe benifite të mëdha.
Ekipi kuqezi mbrëmë në stadiumin e kampit stërvitor të FFM-së ka zhvilluara seancë e fundit stërvitore para ndeshjes së sotme Shkëndija dhe tani trajner i Jeton Beqiri ka një pasqyrë më të qartë që të përcaktohet për njëmbëdhjetëshin që do të zbres në fushë. Për të përkrahur ekipin e zemrës tifo grupi ‘’Ballistët’’ në mënyrë të organizuar dhe në numër të konsiderueshëm do të udhëtojnë në Shkup, ndërsa nga ana tjetër ka paralajmërime se edhe nga Bukureshti kanë udhëtuar në numër prej 50 tifozëve rumunë .
Sot në kuadër të ndeshjes së parë eliminatore të raundit të dytë në Ligën e Kampionëve në fushë do të zbresë edhe kampioni i Kosovës , Drita e Gjilanit, e cila për herë të parë në histori arrin në këtë fazë të garës më të madhe evropiane për klube. Skuadra nga Gjilani do të përballet me gjigantin danez Kopenhagen, në një sfidë që pritet të jetë mjaft e vështirë për ekipin kosovar. Ndeshja Kopenhagen – Drita zhvillohet në stadiumin “Parken” të Kopenhagës, me fillim në ora 19:00.
Shaban Sinani – TV Koha
