Policia gjatë fundjavës së kaluar në një aksion nëpër Tetovë dhe Gostivar ka zbuluar minoren të cilët qëndronin dhe konsumonin alkool në disa objekte hotelierike pas orës 24:00.
Sipas SPB Tetovë, nëpunësit policorë kanë zbatuar aksion kontrollues për zbulimin dhe sanksionimin ligjor të hotelierëve të cilët kanë mundësuar qëndrimin e minorëve pas orës 24:00 dhe u kanë shërbyer pije alkoolike, në 11 objekte hotelierike, 6 në Tetovë dhe 5 në Gostivar, të locuara në rajonet qendrore të qyteteve.
Në një objekt të Tetovës në rrugën “Ilindenska” janë hasur tre femra minorene të cilat konsumonin alkool, ndërsa në tre objekte në rr. “Zhivko Brajkovski” dhe “Beliçka” në Gostivar, janë hasur 14 minoren të cilët qëndronin pas orës 24:00, ndërsa katër prej tyre kanë konsumuar alkool.
Pas zbardhjes së plotë të të gjitha rrethanave, do të vijojnë kundërvajtje adekuate kundër pronarëve të objekteve hotelierike.
