19/06/2024
20.2 C
Tetovo

Të tjera lajme

Aktivizmi feminist është i rëndësishëm për paqen e qëndrueshme, thanë pjesëmarrësit në konferencën e paqes feministe

Fondacioni suedez “Kvina til Kvina”, i cili feston 30 vjetorin e ekzistencës së tij në Ballkanin Perëndimor, organizoi konferencën feministe të paqes në Ballkanin Perëndimor, e cila zgjati nga 21 deri më 23 mars. Në aktivitet morën pjesë përfaqësues të organizatave partnere, të cilët trajtuan rolin e grave dhe organizatave feministe në ndërtimin e paqes dhe transformimin e konflikteve, transmeton Portalb.mk.

Mesazhi që u përcoll në diskutimet dhe fjalimet e aktivisteve nga Maqedonia e Veriut, vendet e rajonit si dhe Iraku, Kaukazi Jugor, Suedia dhe Ukraina, ishte se gratë kanë mundësinë dhe të drejtën për paqe dhe se mund ta bëjnë gjithçka në fuqinë e tyre për të ndërtuar një të ardhme më të mirë të paqes së qëndrueshme për të gjithë – paqe feministe.

“Të gjithë ata krijuan mesazhe të përbashkëta për të mbrojtur pikëpamjet e tyre duke theksuar kërkesat e tyre ndaj komunitetit ndërkombëtar dhe vendimmarrësve në rajon dhe më gjerë,” thuhet në deklaratën e Fondacionit.

Sekretarja e përgjithshme e “Kvina til Kvina”, Petra Totterman Andorf, thekson se “paqja feministe nënkupton gjithëpërfshirje dhe siguri për të gjithë dhe mbi të gjitha është një unitet që mundëson diversitet”.

Dje, në ditën e fundit të konferencës, mori pjesë ambasadorja suedeze në Maqedoninë e Veriut, Ami Larson Jain, e cila theksoi nevojën që gratë mbrojtëse të të drejtave të njeriut, të mbrohen dhe në të njëjtën kohë të marrin angazhime që gratë të marrin pjesë në arritjen e paqes së qëndrueshme.

Ambasadorja, zonja e parë e Maqedonisë së Veriut, Elizabeta Gjorgievska dhe më shumë se 60 përfaqësues të organizatave ndërkombëtare u takuan me aktivistët të cilët ndanë përvojat dhe ekspertizën e tyre dhe folën për nevojën për të investuar në paqen feministe sa më shpejt të jetë e mundur.

Të fundit