29/03/2024
14.9 C
Tetovo

Të tjera lajme

Bashkësia Lokale e fshatit Sellcë me kërkesa konkrete për Ali Ahmetin dhe BDI-në (video)

Në vazhdën e takimeve me qytetarë, Ali Ahmeti dhe funksionarët e tjerë të BDI-së mbrëmë kanë qëndruar në Sellcë të Tetovës, dikur bastion i kësaj partie.

Në emër të Bashkësisë Lokale të këtij fshati është lexuar një letër në formë ultimatumi.
Në vazhdim ju prezantojm tekstin dhe videon e kësaj letre.

“Mirëmbrëma dhe mirë se na keni ardhur!
Jemi të nderuar me vizitën tuaj!

Sot e 22 vite fshati jonë ju pret e ju percjell me të njëjtat kërkesa, të cilat janë elementare për jetesë
Nga ky fshat, para 22 viteve, ju kërkuat bukë, ne ju dhamë, Nga ky fshat ju kërkuat t`i kapim ar mët, ne i kapëm

Nga ky fshat ju kërkuat të tërhiqemi, ne u tërhoqëm! Nga ky fshat, 22 vjet ju kërkuat përkrahje politike, ne ju dhamë!

Kërkuat njerëz me shkollë, se lu ftarët nuk e njohën politikën, ne ua dhamë!

Jua dhamë që të shpërngulen nga fshati ynë dhe neve na lanë në mjerim, për të vuajtur edhe sot për kushtet elementare për jetesë

Ju u gëzuat, ne nuk u gëzuam

Ne edhe njëherë i shtrojmë këto kushte për ju dhe të jeni të bindur që do të jetë hera e fundit: sigurimi i ujit të pijshëm në fshat, rruga që lidh qytetin me fshatin, shkolla dhe salla e sportit.

Nëse këto kërkesa nuk realizohen deri në zgjedhjet e ardhshme, të jeni i sigurt se banorët e fshatit tonë dijnë edhe të dënojnë, siç ndodhi në zgjedhjet e fundit komunale. Nga Bashkësia Lokale e Fshatit Sellcë”./tetova1/

Të fundit