Gjykata Themelore Penale nga Shkupi sot ka refuzuar kërkesën për amnisti të të akuzuarve në rastin “Organizatorët e 27 prillit”. Kërkesën për amnisti e parashtruan ish-kryetari i Kuvendit Trajko Veljanoski, ish-ministrat Spiro Ristovski dhe Mile Janakieski dhe ish-drejtori i Administratës së Sigurisë dhe Kundërzbulimit, Vladimir Atanasovski.
Kryetari i Këshillit Gjyqësor, gjyqtari Ilija Trpkov, në seancë deklaroi se pas kërkesës së mbrojtjes së të akuzuarit për zbatimin e Ligjit për amnisti nga viti 2018 dhe pas marrjes së mendimit të prokurorit publik, ka marrë vendim me të cilin refuzohet. kërkesa si e pabazuar.
Kërkesat për amnisti nga të pandehurit janë dorëzuar në fillim të rigjykimit, në të cilin ata akuzohen për kërcënim terrorist të rendit kushtetues dhe sigurisë. Gjykimi i përsëritur vjen pasi Gjykata e Apelit në Shkup në prill të këtij viti e anuloi aktgjykimin e shkallës së parë të Gjykatës Themelore Penale dhe e ktheu lëndën në rigjykim.
Trajko Veljanoski u dënua me gjashtë vjet e gjysmë burgim, Spiro Ristovski dhe Mile Janakieski me gjashtë vjet e tre muaj, ndërsa Vladimir Atanasovski me gjashtë vjet burgim./meta.mk/transmeton /TV KOHA /
