Hëna e parë e plotë e vitit është gati të lindë, duke u shfaqur në qiellin lindor rreth perëndimit të diellit të enjten dhe duke ndriçuar me shkëlqim deri në mëngjesin e së premtes pranë yjësisë Orion.
Hëna e plotë e natës së së enjtes është një nga ngjarjet e pakta astronomike të dimrit, pasi nuk ka shumë shira meteorësh, rreshtime planetare ose pamje të tjera magjepsëse gjatë gjithë sezonit.
Hëna e plotë e janarit shpesh quhet Hëna e Ujkut, pasi ujqërit dëgjoheshin të ulërinin më shpesh gjatë muajve të dimrit.
“Tradicionalisht besohej se ujqërit ulërinin për shkak të urisë gjatë dimrit, por ne e dimë sot se kjo nuk është e saktë“, shpjegoi në faqen e tij të internetit Old Farmer’s Almanac. “Ulërima dhe vokalizime të tjera të ujqërve dëgjohen në dimër për të gjetur anëtarët e tufës, për të përforcuar lidhjet shoqërore, për të përcaktuar territorin dhe për të koordinuar gjuetinë.”
Nofka të tjera për hënën e parë të plotë të vitit përfshijnë Hënën e Kanadasë, Hënën e ngrirë, Hënën e Përshëndetjeve dhe Hënën shpirtërore.
Hëna e plotë e ardhshme do të lindë gjatë fundjavës së fundit të shkurtit dhe do të jetë hëna e plotë e fundit përpara mbërritjes së pranverës astronomike më 19 mars.
