15/06/2024
22.4 C
Tetovo

Të tjera lajme

Ish ministri i shëndetësisë Venko Filipçe, kandidat për kryetar të LSDM-së

Ka arritur në tre numri i kandidatëve për kryetar të LSDM-së. Deputeti dhe ish-ministri i Shëndetësisë Venko Filipçe ka njoftuar se do të kandidojë për kreun e partisë. Filipçe ka qenë ministër i Shëndetësisë në qeverinë e Zoran Zaevit nga dhjetori 2017 deri në janar 2022. Ai tha se LSDM-ja aktualisht po kalon momentet më të vështira që nga themelimi i saj dhe se synimi i saj është që LSDM-ja në katër vitet e ardhshme të ripërtërihet, të reformohet dhe ta ngritet në nivelin që meriton. “Ne duhet të mësojmë nga e kaluara jonë, të heqim të gjitha të metat dhe të dalim më të fortë dhe më të bashkuar se kurrë më parë”, ka shkruar Filipçe në profilin e tij në Facebook. Për kryetare të LSDM-së kandidaturat i kanë shpallur drejtori i Drejtorisë për Zonat Zhvillimore Teknologjiko-Industriale, Jovan Despotovski dhe ish-ministrja e Mbrojtjes, tani deputete Sllavjanka Petrovska. Zgjedhjet për kryetar të LSDM-së do të mbahen më 30 qershor. /Alsat.mk

Të fundit