01/03/2024
9.2 C
Tetovo

Të tjera lajme

Kodi i ri Penal – Rikthehet “Shkolla e vagabondëve”, ja ku do të hapet

Gazetarja Anila Hoxha në një lidhje të drejtpërdrejtë me emisionin “Breaking” me Fiori Dardhën në Top News ka folur lidhur me ndryshimet që do të ndodhin në Kodin e Ri Penal.

Sipas gazetares, asnjë i ri nën 21 vjeç, nuk do të dënohet me burgim të përjetshëm dhe gjithashtu qeveria parashikon hapjen e një instituti të ngjashëm me atë të “Shkollës së Vagabondëve” për riedukimin e të miturve.

“Prej pesë vitesh në vendin tonë aplikohet kodi miqësor për të miturit, me qëllim që ta korrigjojmë, edukojmë fëmijën në forma të tjera, që ai të mos ndeshet direkt me autoritete si gjykata apo polici. Por pavarësisht këtyre përpjekjeve është parë se ka një shpërthim të krimit të kryer nga të miturit, megjithëse në kodin e drejtësisë penale për të mitur është parashikuar që përpos institutit të Kavajës duhet të ishin hapur edhe institucione që nuk janë hapur ende, dhe një ndër to është ai, që konsiderohet si kthimi i “Shkollës së Vagabondëve”. Është një institut që parashikohet të hapet në periferi të Tiranës. Është gjendur edhe trualli ku do të hapet”, tha Hoxha.

Gazetarja shpjegoi se krimet nga të miturit janë 4 –fishuar gjatë vitit 2023

“Nga të dhënat e investiguara shihet se vetëm për 2023 ka një shifër prej 2006 të miturish, konsiderohet 4 -fishim i përfshirjes së të miturve në krim. Kur flasim për krim nuk flasim vetëm për vjedhje, por edhe për shpërndarjen e drogës, plagosjet e rënda masive si dhe kundravajtje të tilla si drejtimi i automjetit në gjendje të parregullt. Pavarësisht se shikohet qasja për të korrigjuar fëmijën për ti dhënë masë edukuese, që ai të jetë afër familjes dhe shkollës duhet të ishin ngritur këto instrumente që nuk janë ende funksionale dhe janë në varësi të ministrisë së Drejtësisë.

Në kodin e ri, në kuadër të kësaj kjo fashë moshore të shmanget nga burgimi i përjetshëm. Ajo që shikohet sërish si risi për ë miturit lidhet me futjen e një neni që ka angazhimi i të miturve për shpërndarjen e drogës. Ka marrë shkas për shkak të numrit të lartë të të miturve që janë angazhuar në shpërndarjen e narkotikëve dhe propozuesit kanë kërkuar që të fuutet një nen i ri që të gjenden autorët që përfshijnë të miturit, sepse ata shpëtojnë nga drejtësia. Dosjet penale kanë treguar se të miturit kthehen në përdorues droge dhe më pas i përdorin si shpërndarës të drogës, një fenomen shumë i njohur në Tiranë”, tha Anila Hoxha.

Të fundit