18/05/2024
20.3 C
Tetovo

Të tjera lajme

Maratona e Shkupit mbahet të dielën për herën e 18-të, janë regjistruar mbi tetë mijë pjesëmarrës

Edicioni i 18-të i Maratonës së Shkupit do të fillojë të dielën (2 tetor) në orën 8 të mëngjesit. Garat që çdo vit janë pjesë e eventit të madh sportiv në vend, maratonën, gjysmë-maratonën, stafetën, “BE për sportin” dhe garën 5 km, këtë herë do të zhvillohen në pista të modifikuara pjesërisht, transmeton Portalb.mk.

Drejtori i Wizz Air Maratonës së Shkupit, Kire Sinadinovski, në konferencën e sotme për media njoftoi se pjesëmarrësit e garës prej 5 km do të nisin nga “Rekord” dhe do të vrapojnë në drejtim të Aeroportit, ndërsa vrapuesit e maratonës, gjysmë maratonës dhe stafetës do të nisin nga Spitali i vjetër i Qytetit “Shën Naum Ohridski” në drejtim të sheshit dhe vazhdojnë nëpër rrugën “Theodosius Gologanov” nga Hromi.

Sinadinovski tha se pista e re është matur me matës të licencuar ndërkombëtarisht dhe ka marrë certifikatën A nga AIMS dhe Federata Botërore e Atletikës.

“Qëllimi është sheshi “Maqedonia”, i cili ësthë finishi tradicional për të cilën dallohet maratona”, tha Sinadinovski.

Mbi 8,500 pjesëmarrës nga 47 vende u regjistruan për maratonë.

Maratona e Shkupit, e cila tradicionalisht organizohet nga Sindikata e Sporteve të Qytetit të Shkupit, organizohet me mbështetjen e klubeve dhe shoqatave të shumta sportive, dhe nën kujdesin e Qytetit të Shkupit, Agjencisë për Rini dhe Sport dhe Delegacionin e Bashkimit Evropian.

Organizatorët njoftuan gjithashtu se të gjithë ata që nuk do të mund ta ndjekin maratonën në rrugët e Shkupit do të mund ta ndjekin drejtpërdrejt në profilin zyrtar të Komitetit Olimpik të Maqedonisë në YouTube.

Të fundit