Fotografitë e profesor Dr. Sashko Kedev dhe një pediatri i famshëm rus janë keqpërdorur në një reklamë mashtruese për një ilaç të supozuar për hipertensionin dhe rrezikun e sëmundjeve kardiovaskulare. Ilaçi nuk është ilaç sepse nuk është në regjistrin e barnave në Maqedoni, as nuk mund të blihet në barnatoret anembanë vendit, por vetëm online për një çmim prej 1990 denarë, shkruan “Vistinomer” në analizën e tij.
Tekstin më poshtë e përcjellim të plotë:
Po shqyrtojmë një postim në rrjetin social Facebook, një reklamë për një preparat të paraqitur si një kurë mrekullie për hipertensionin dhe sëmundjet e zemrës. Në të njëjtën, është keqpërdorur fotografia e specialistit të famshëm maqedonas, kardiologut Dr. Sashko Kedev dhe e një pediatri të njohur rus. Që të dy, njëri në postimin e titullit në shpallje, tjetri brenda tekstit, paraqiten si shef i departamentit për kirurgji vaskulare në Klinikën Universitare në Shkup, profesor dr. Miodrag Dimovski.
Ky është një tjetër mashtrim.
Në njoftim thuhet:
Kardiologu: “Hipertensioni largohet dhe nuk kthehet më”. SHPËRTIMI I VETËM NGA HIPERTENSIONI”
Me këtë titull shpërndahet fotografia e profesor dr. Sashko Kedev. Fotoja e tij është keqpërdorur dhe “fotoshopuar” me tabletat që reklamohen.
Kur lidhja hapet, Kedev nuk është më aty, por publikohet një intervistë fiktive me profesorin e supozuar, Dr. Miodrag Dimovski, i paraqitur si shef i kirurgjisë vaskulare në Klinikën Universitare të Shkupit.
Por një mjek i tillë nuk ekziston në vend. Treguesi i parë që një mjek me një emër të tillë nuk ekziston, aq më pak profesor, është se motori i kërkimit Google nuk e gjen këtë emër dhe nuk jep asnjë rezultat për të. Dhe më e rëndësishmja, nuk është as në kodet e mjekëve të Fondit të Shëndetësisë.
Kur të kërkohet fotografia në Google Images, do të shihet se është pediatri rus Dr.Vladimir Kirilovich Tatochenko.
Vladimir Kirilovich Tatochenko është një shkencëtar i famshëm rus, anëtar i Unionit të Pediatërve të Rusisë, Doktor i Shkencave Mjekësore, Shkencëtar i nderuar i Federatës Ruse dhe ekspert i OBSH-së.
Tatochenko nuk është kirurg i zemrës, as nuk rekomandon tabletat e ofruara në reklamë, ai është pediatër-pulmonolog për fëmijë.
Për të mashtruar lexuesit, preparatit të reklamuar i atribuohen veti të mrekullueshme, se shëron shumë sëmundje dhe zgjat jetën.
Cardione përmirëson funksionimin e enëve të gjakut, normalizon rrjedhjen e gjakut dhe hollon gjakun, duke përfshirë diabetikët, duhanpirësit, si dhe njerëzit që janë në rrezik të sëmundjeve kardiovaskulare. Përveç kësaj, Cardione është një mjet i shkëlqyer për parandalimin e sëmundjeve kardiovaskulare, sulmit në zemër dhe goditjes në tru, trombozës dhe aterosklerozës, thuhet në tekst.
Nuk ka asnjë provë shkencore për të gjitha këto veti të listuara.
Teksti manipulon dhe gënjen se preparati i ka kaluar testet në Japoni dhe Izrael, si dhe këtu në Maqedoni në Institutin e Kardiologjisë, ku është vërtetuar efektiviteti i tij. Problemi është se një institucion i tillë – “Instituti i Kardiologjisë” nuk ekziston.
Ky preparat nuk është në listën e barnave në vend, nuk është as i regjistruar dhe as i aprovuar dhe aq më pak janë vërtetuar ndonjë veti apo efektivitet pozitiv.
Tabletat që shiten në reklamën manipuluese quhen Cardione dhe kushtojnë 1990 denarë, me gjoja 50% zbritje.
Në asnjë pjesë të tekstit, në asnjë reklamë, nuk shkruhet prodhuesi i tabletave, të cilat duke qenë se nuk janë ilaç, mund të jenë vetëm një lloj suplementi dietik, dhe ajo që është edhe më shqetësuese është se përbërja nuk është shkruar kudo.
Këto tableta nuk janë të disponueshme në farmacitë e vendit, ato ofrohen vetëm online.
Një tjetër postim nga e njëjta reklamë dhe e njëjta intervistë fiktive manipuluese me një kirurg inekzistent të zemrës titullohet “Kryeologu i Kardiologjisë: Ndaloni uljen e presionit të gjakut me kimikate”.
Një mesazh që mashtron lexuesit. Ata që marrin terapi të rregullt për presionin e lartë të gjakut mund të mashtrohen, të arrijnë në një ilaç që nuk është i konfirmuar ose i aprovuar dhe të ketë pasoja shëndetësore.
Për shkak të fakteve të mësipërme, ne e vlerësojmë këtë postim si një mashtrim./meta.mk/ transmeton TV KOHA/
