12/04/2024
15 C
Tetovo

Të tjera lajme

“Mirëpresim vendimin e Kosovës për ta pranuar planin e BE-së”, deklarata e këshilltarit Chollet pas bisedës me Kurtin dhe reagimi i ambasadorit amerikan

Kryeministri i vendit, Albin Kurti dhe këshilltari amerikan, Derek Chollet të premten kanë zhvilluar një bisedë telefonike, ndërsa kanë biseduar për dialogun Kosovë-Serbi dhe propozimin e Bashkimit Evropian për normalizimin e marrëdhënieve.

Reklama
Chollet, përmes një postimin në Twitter, ka thënë se SHBA-të mirëpresin vendimin e Kosovës për të pranuar propozimin e BE-së.

“Kam folur sot me kryeministrin Albin Kurti. Ne mirëpresim vendimin e Kosovës për të pranuar propozimin e BE-së për normalizimin e marrëdhënieve me Serbinë përmes dialogut të lehtësuar nga BE-ja”.

“Tani na duhet zbatimi për të siguruar përfitime të rëndësishme për të dy vendet”, ka shkruar Chollet, transmeton Telegrafi.

Këshilltari amerikan, Derek Chollet gjatë vizitës së tij në Prishtinë

Ndërkaq, pas bisedës së Kurtit me Chollet ka reaguar edhe ambasadori amerikan në Prishtinë, Jeffrey Hovenier.

Ambasadori i SHBA-ve theksoi se propozimi i Bashkimit Evropian është i rëndësishëm për Kosovën dhe SHBA-të mbështetësin këtë propozim.

Hovenier këtë koment e ka bërë duke reaguar në një Twitter të këshilltarit të Departamentit amerikan të Shtetit, Derek Chollet, i cili tregoi se sot ka folur me kryeministrin Albin Kurti.

“Ne do të mbështesim plotësisht hapat e ardhshëm për propozimin e BE-së. Ky progres është i rëndësishëm për Kosovën pasi ne mbështesim integrimin e saj të plotë në strukturat euroatlantike dhe ndërkombëtare”, ka shkruar Hovenier.

Ndryshe, këshilltari i lartë i Departamentit amerikan të Shtetit, Derek Chollet, ka qëndruar më 11 janar të këtij viti në Kosovë, ku është takuar me krerët e shtetit.

Ai me këtë rast para gazetarëve tha se Kosova duhet të përmbushë të gjitha zotimet në kuadër të dialogut, përfshirë edhe formimin e Asociacionin e komunave me shumicë serbe.

“Ne besojmë se jemi në një moment kritik. Ne besojmë se Kosova me Serbinë duhet të angazhohen urgjentisht në dialogun e udhëhequr nga Bashkimi Evropian, i cili po punon drejt një marrëveshje gjithëpërfshirëse për normalizimin e marrëdhënieve të përqendruara në njohjen reciproke”, u shpreh ai.

Chollet shtoi se SHBA-ja beson se dialogu është mjeti më është mjeti më i mirë për Kosovën për ta siguruar të ardhmen e saj të plotë evropiane dhe euroatlantike. /Telegrafi/

Të fundit