Skuadra e Nju Jorkut fitoi sot në transfertë ndaj San Antonio ndeshjen e parë të finales së play off-it në kampionatin amerikan të basketbollit NBA Edhe pse në cilësinë e mysafirit ekipi Nju Jork dominoi pothuajse gjithë lojën dhe në fund korri fitore të sigurt me rezultatin 105- 95
Në ndeshjen e sotme San Antonio pësoi para tifozëve vendas nga Nju Jorku me rezultatin 95-105 . Për ekipin e Nju Jorkut , kjo ishte finalja e parë pas një pushimi prej 27 vitesh, ndaj të gjithë e kanë të qartë se kjo është një mundësi që nuk duhet humbur.
Këtë sigurisht e dinë edhe basketbollistët të cilët në ndeshjen e parë finale dëshmuan karakter të pabesueshëm, ashtu siç bënë edhe në finalen Konferencës së Lindjes kundër Klivlend.
Heroi i mbrëmjes për skuadrën nga Nju Jorku ishte sërish Xhejlen Branson.
‘Ylli’ i Niksa ve realizoi 30 pikë, edhe pse nuk pati përqindjen më të mirë në gjuajtje. Kontribut të rëndësishëm dha edhe Enthony Tauns me 18 pikë.
Nga ana tjetër, për Spars-at nuk mjaftuan 26 pikët e Victor Vembenjama .
Tashmë seria zhvendoset te ndeshja e dytë, që do të luhet në natën mes së premtes dhe së shtunës.
Një tjetër fitore e Nju Jorkut do t’i afronte shumë pranë një titulli historik, që mungon prej plot 53 vitesh. TV Koha
