Një vit nga tragjedia e Novi Sadit, mijëra njerëz protestojnë në qytetin ku ndodhi incidenti me 16 viktima

Studentët në grevë në Novi Sad po organizojnë sot një tubim masiv për 16 viktimat që vdiqën saktësisht një vit më parë kur u shemb tendë e ndërtesës së Stacionit Hekurudhor në këtë qytet.

Sot në Serbi u shpall një ditë zie dhe kreu i Kishës Ortodokse Serbe, Patriarku Porfirije, mbajti shërbimin përkujtimor vjetor për të vrarët në aksidentin tragjik në Tempullin e Shën Savës, në Vraçar, Beograd. Studentët dhe qytetarët i bënë homazhe viktimave.

Mijëra njerëz mbërritën në qytet një ditë më parë dhe qindra studentë erdhën në këmbë për të nderuar viktimat e tragjedisë, për të cilën askush nuk është dënuar ende.