Në Universitetin e Tetovës, është hapur konkursi për regjistrimin e studentëve të rinj për vitin akademik 2019/2020.

Kandidatët të cilët do të aplikojnë për regjistrim, fillimisht duhet ta plotësojnë formularin online në ueb faqen e Universitetit: www.unite.edu.mk.
Po ashtu, kandidatët duhet t’i dorëzojnë këto dokumente: Fletaplikimin (merret në administratë gjatë dorëzimit të dokumenteve); Dëftesat origjinale nga shkollimi i mesëm; Diplomën për kryerjen e shkollës së mesme; Certifikatën nga libri amë i të lindurve; si dhe Certifikatën e nënshtetësisë.

https://drive.google.com/file/d/1Qrd4UVk2A8JDRXr-GSwLV1IHsVyB2tWk/view?fbclid=IwAR1SVQFOZIcyygb7WE6TzROkYb89kkPR1afhkm-rquSkDD3rVhXsvGptMFE

Zëvendëskryetari për Çështje Evropiane Bujar Osmani, kryetarja e komunës së Tetovës Teuta Arifi dhe Gir Johansen, sekretar i parë i Ambasadës së Norvegjisë sot ishin për vizitë në terren në afërsi të fshatit Falishe, ku pastrohet deponia e vjetër e Tetovës. Pas pastrimit të deponisë, në vendin e njëjtë do të fillojë ndërtimi i stacionit të pastrimit të ujërave të zeza për rajonin e Tetovës.

Osmani ka potencuar se projekti është i rëndësishëm për tërë rajonin, por edhe për tërë shtetin.

“Ky projekt është multidimensional, jo vetëm për faktin që do të pastrojë një deponi të tillë, por edhe do të krijojë parakushte të ndërtohet stacion i pastrimit, ujërat e zeza do t’i pastrojë nga tërë rajoni. Do të tregojmë përgjegjësi edhe ndaj rajonit sepse ky ujë do të shkojë në Greqi, do të bëhemi faktor kredibil i rajonit në mbrojtjen e mjedisit jetësor dhe të qytetarëve të cilët jetojnë në kontinent”, tha Osmani.

Pastrimi i deponisë bëhet me ndihmës e Qeverisë norvegjeze.

“Edhe Norvegjia para 25 viteve ka qenë në gjendje të ngjashme dhe mund të lavdërohemi me faktin se tani kemi më shumë se 2.700 stacione të pastrimit për ujërat e zeza me çka përfitim kanë qytetarët dhe mjedisi jetësor. Ashtu do të jetë edhe këtu me realizimin e këtioj projekti”, tha Johansen.

Pastrimi i deponisë së paligjshme duhet të përfundojë deri në dhjetor të vitit 2019.

“Njëra nga standardet për fillim të ndërtimit të stacionit të pastrimit ishte pastrimi i kësaj deponie. Në lidhje me dokumentacionin projektues i dhamë të gjitha lejet e nevojshme, edhe për ndërtim të stacionit të pastrimit edhe në të dy kolektorët, dhe me përfundimin e këtij procesi BE-ja nuk do të ketë problem të vazhdojë me tenderim dhe realizim të projektit”, deklaroi Arifi.

Sipas parashikimeve, siç tha Arifi, pastaj deri në vitin 2022 tërë procesi duhet të kompletohet dhe të ndërtohet stacion i pastrimit me mjete të IPA fondeve në vlerë prej 30 milion euro me të cilat do të ndërtohen tërë stacioni, dy kolektorët dhe rrjete të reja të kanalizimit.

Deponia e vjetër e Tetovës gjendet në 67 mijë metra katror në rrugën nga Falishe drejt fshatit Strimnicë. Gjithsej 170.000 metra kub mbeturina minohen dhe transportohen në deponinë Drislla. Pastrimi, hedhja e mbeturinave është financuar nga Qeveria dhe Komuna e Tetovës me 2,3 milion euro, derisa transporti i mbeturinave në vlerë prej 700.000 euro është financuar nga Norvegjia në suaza të projektit Mbështetje nordike për përparimin e Maqedonisë së Veriut.

Duke folur për rastet e fundit në PSP, njohësi i çështjeve juridike, Bashkim Selmani thekson se kjo gjendje edhe është pritur që të vijë në një formë apo tjetër sepse siç thekson PSP nuk arriti që ta godasë krimin sepse ky i fundit ishte më i madhë se vetë prokuroria.

Megjithatë nga e gjithë kjo situatë e krijuar, Selmani nxjerrë disa porosi.

“E para, ajo që nuk mundi ta mbron as vetveten e jo që ta godas krimin e organizuar. E dyta është se çdo prokurorë në Maqedoni nuk është i sigurt për ta luftuar krimin . Pjesa e tretë, poashtu është edhe një destabilizim psikologjik edhe tek qytetarët për arsye se me humbjen e saj kemi humbur gjithë ne dhe kjo shkon gjithë në aspektin e keqbërësve. Sido që të jetë është rast që duhet të ndriçohet”, thotë Selmani.

VMRO-DPMNE mbetet në qëndrimin se përderisa mbahet takimi i liderëve tema e parë do të jetë zgjedhjet e parakohshme parlamentare. Pastaj, siç deklaroi sot në konferencën për shtyp zëdhënësi i partisë Dimçe Arsovski, mund të flitet edhe për tema tjera, si regjistrimi, kodi zgjedhor ose ligji i PSP-së, të cilat i paralajmëroi kryeministri Zoran Zaev, transmeton Koha.mk

“Në lidhje me takimin e liderëve tashmë edhe kryetari Mickoski u shpreh. Ne jemi të përpiktë se në atë takim liderësh si çështje e parë dhe e vetme duhet të bisedohet për zgjedhjet e parakohshme parlamentare. Në lidhje me ditën, kohën dhe lokacionin, plotësisht do të analizohet në organet e partisë dhe do të vendoset sipas agjendave të presidentit dhe mundësive kohore”, tha Arsovski duke u përgjigjur në pyetjen e gazetarëve.

Në atë takim liderësh shtoi ai, duhet të bisedohet për zgjedhjet e parakohshme parlamentare, ndërsa menjëherë pastaj mund të bisedohet edhe për të tjerat. Do të thotë pika e parë dhe e vetme e bisedës duhet të jenë zgjedhjet e parakohshme parlamentare.

Arsovski shtoi edhe se te kryeministri Zoran Zaev dhe në fjalimin e tij të sotëm mund të shihet se nuk ka disponim për zgjedhjet dhe se ai thjeshtë ik nga zgjedhjet me vetë atë që ka thënë se mund të bisedohet për Modelin zgjedhor, megjithatë të mos jenë presion zgjedhjet e parakohshme parlamentare. (koha.mk)

Menaxheri i 1TV Bojan Jovanovski, i njohur në opinion si “Boki 13” është ndaluar në një stacion policor, për shkak të një lëndë që e ka nisuar Prokuroria për Krim të Organizuar.

Sipas TV24, përveç “Boki 13” është arrestuar edhe një person tjetër, i cili është i njohur në sferën e biznesit.

Nga Prokuroria akoma nuk kanë zbuluar për çfarë rasti bëhet fjalë, ndërsa kanë njoftuar se do të mbajnë konferencë për shtyp.

Bojan Jovanovski, është menaxher i 1TV, ndërsa si pronar i këtij televizioni është paraqitur babai i tij.

Prokuroria Speciale Publike ka njoftuar se kryeprokurorja speciale Katica Janeva ka dhënë dorëheqje të parevokueshme.

Sipas kumtesës së PSP-së, Janeva thotë se nuk do të lejojë emri i saj të shfrytëzohet si alibi për tu mbajtur në peng ardhmëria e PSP-së.

“E dorëzoj kërkesën time e cila do të bëhet aktive atëherë kur partitë politike do të dakordohen për zgjidhjen e re ligjore dhe do të përzgjedhin pasardhësin tim”, thuhet në letrën e Katica Janevë

Nga prokuroria supozohet se me detaje të reja do të dalin gjatë ditës lidhur me dorheqejen e Katica Janevës.

Kujtojmë se javën e kaluar kryeministri Zaev duke folur për ligjin për prokurorinë publike, ka theksuar se pengesa e vetme mes pozitës dhe opozitës është kryeprokurorja Katica Janeva, gjegjësisht opozita nuk dëshiron që në krye të PSP-së të mbetet Janeva.

Këshilli penal pranë Gjykatës themelore penale – Shkup e refuzoi kërkesën për shtyrjen e dënimit me burg të Sead Koçan, duke e konfirmuar vendimin e gjykatësit për kryerjen e sanksioneve. Siç informojnë nga Gjykata, tek gjykatësit për kryerjen e sanksioneve është dorëzuar kërkesë e re për shtyrjen e vuajtjes së dënimit me burg, njofton Koha.mk

“Këshilli penal pranë Gjykatës themelore penale – Shkup duke vepruar sipas ankesës të dhënë kundër vendimit të gjykatësit për kryerjen e sanksioneve nga 01.07.2019 për lëndën me K.nr. 1459/17 nga prokuroria e emëruar si ‘Trust’ më 12.07.2019 ka mbajtur seancë dhe sipas vlerësimit të fakteve dhe dëshmive solli vendim me të cilin e refuzoi ankesën e të akuzuarit dhe e konfirmoi vendimin e gjykatësit për kryerjen e sanksioneve”, informojnë sot nga Gjykata themelore penale – Shkup.

Njëherit, siç theksojnë nga Gjykata, tek gjykatësi për kryerjen e sanksioneve është dorëzuar kërkesë e re për shtyrjen e vuajtjes së dënimit me burg për të cilin është e nevojshme të kryhen disa hetime pas çka gjykatësi do të vendos, ndërsa pas vendimit të sjell palët dhe opinioni do të njoftohen në kohë.

Biznesmeni Sead Koçan më 17 korrik duhet të paraqitet në burg për ta vuajtur dënimin me burg prej katër viteve e tetë muaj në lëndën “Trust” të PSP-së.

Koçan është i dënuar për shkak të manipulimeve për marren e tenderit nga ELEM prej 17 milionë eurove me tregimin e dokumentacionit të rremë. Koçan është i vetmi nga kjo lëndë i cili duhet të vuajë dënimin me burg. Ai fillimisht ka marrë gjashtë vjet, por Gjykata e Apelit ia ka ulur dënimin.(koha.mk)