Prokuroria Speciale Publike ka njoftuar se kryeprokurorja speciale Katica Janeva ka dhënë dorëheqje të parevokueshme.

Sipas kumtesës së PSP-së, Janeva thotë se nuk do të lejojë emri i saj të shfrytëzohet si alibi për tu mbajtur në peng ardhmëria e PSP-së.

“E dorëzoj kërkesën time e cila do të bëhet aktive atëherë kur partitë politike do të dakordohen për zgjidhjen e re ligjore dhe do të përzgjedhin pasardhësin tim”, thuhet në letrën e Katica Janevë

Nga prokuroria supozohet se me detaje të reja do të dalin gjatë ditës lidhur me dorheqejen e Katica Janevës.

Kujtojmë se javën e kaluar kryeministri Zaev duke folur për ligjin për prokurorinë publike, ka theksuar se pengesa e vetme mes pozitës dhe opozitës është kryeprokurorja Katica Janeva, gjegjësisht opozita nuk dëshiron që në krye të PSP-së të mbetet Janeva.

Këshilli penal pranë Gjykatës themelore penale – Shkup e refuzoi kërkesën për shtyrjen e dënimit me burg të Sead Koçan, duke e konfirmuar vendimin e gjykatësit për kryerjen e sanksioneve. Siç informojnë nga Gjykata, tek gjykatësit për kryerjen e sanksioneve është dorëzuar kërkesë e re për shtyrjen e vuajtjes së dënimit me burg, njofton Koha.mk

“Këshilli penal pranë Gjykatës themelore penale – Shkup duke vepruar sipas ankesës të dhënë kundër vendimit të gjykatësit për kryerjen e sanksioneve nga 01.07.2019 për lëndën me K.nr. 1459/17 nga prokuroria e emëruar si ‘Trust’ më 12.07.2019 ka mbajtur seancë dhe sipas vlerësimit të fakteve dhe dëshmive solli vendim me të cilin e refuzoi ankesën e të akuzuarit dhe e konfirmoi vendimin e gjykatësit për kryerjen e sanksioneve”, informojnë sot nga Gjykata themelore penale – Shkup.

Njëherit, siç theksojnë nga Gjykata, tek gjykatësi për kryerjen e sanksioneve është dorëzuar kërkesë e re për shtyrjen e vuajtjes së dënimit me burg për të cilin është e nevojshme të kryhen disa hetime pas çka gjykatësi do të vendos, ndërsa pas vendimit të sjell palët dhe opinioni do të njoftohen në kohë.

Biznesmeni Sead Koçan më 17 korrik duhet të paraqitet në burg për ta vuajtur dënimin me burg prej katër viteve e tetë muaj në lëndën “Trust” të PSP-së.

Koçan është i dënuar për shkak të manipulimeve për marren e tenderit nga ELEM prej 17 milionë eurove me tregimin e dokumentacionit të rremë. Koçan është i vetmi nga kjo lëndë i cili duhet të vuajë dënimin me burg. Ai fillimisht ka marrë gjashtë vjet, por Gjykata e Apelit ia ka ulur dënimin.(koha.mk)

Kompanitë prej sot mund të parashtrojnë kërkesë për mbështetje përmes Ligjit për mbështetje financiare të investimeve sipas kushteve të reja të ndryshuara, të cilat sipas Qeverisë janë lehtësuar dhe mund t’i shfrytëzojnë mbi 4.000 firma.

Ndryshimet janë miratuar, ndërsa rregulloret në Ministrinë e Ekonomisë janë nënshkruar javën e kaluar dhe janë publikuar në Gazën Zyrtare, me çfarë fillon mundësia që firmat të aplikojnë për mjete të cilat janë në vlerë prej 75 milionë euro.

Nga Qeveria thonë se ndryshimet janë në drejtim të mbështetjes më të madhe në industri dhe ekonomi, ndërsa përfshihen firmat që nuk janë përfshirë fillimiht me Ligjin. Me to kërkesë për mbështetje financiare mund të parashtrojnë kompanitë të sektorit TI, kompanitë nga industria përpunuese që nuk janë përfshirë me IPARD, ndërsa dëshirojnë të bëjnë prodhim industrial. Për mbështetje financiare mund të parashtrojë kërkesë edhe kpmpanitë nga sektori i tregtisë, por që të bëjë veprimtari pordhimi, si dhe nga sektori i ndërtimtarisë, por jo për ndërtimin e banesave, për për pjesën e aktivitetit prodhues.

Kriteret vlerësohen si transparente, të qarta dhe pa dakordim, të njohura paraprakisht dhe mundësojnë më shumë kompani të palikojnë.

Sipas të dhënave nga Regjistri Qendror mbi 4.000 kompani i përmbushin kriteret e reja, për mjete do të marrin ata që investojnë. Askush nuk do të marrë mjete për diçka që në të ardhmen do të investojë, por vetëm në bazë të investimit tashmë të realizuar.

Me ndryshimet kompanive u është lënë mundësi ta fluktuojë numrin e të punësuarve deri në pesë për qind, që del nga ajo që disa kompani e humbasin kuadrin profesional dhe nuk mund të gjejnë të ri, si dhe për blerjen e teknologjisë së re që është automatizuar.

Kërkesat për mbështetje financiare kompanitë që punojnë jashtë zonave mund t’i parashtrojnë deri te Agjencia për Investime të Huaja, ndërsa ta nga zonat në ZZHIT.

Kriteret e ndryshuara mund t’i shfrytëzojnë edhe kompanitë që tashmë kanë nënshkruar marrëveshje për mbështetje financiare me aneksim.

Në vendkalimet kufitare ka frekuencë të rritur të automjeteve. Në VK “Bogorodica” për dalje nga shteti pritet 15 deri 30 minuta, ndërsa në VK “Tabanoc” për hyrje në shtet rreth 30 minuta.

Në vendkalimet e tjera kufitare, nga ana e Maqedonisë së Veriut, nuk ka pritje më të gjata për hyrje dhe dalje nga shteti.

Intensiteti i komunikacionit në akset rrugore jashtë mjediseve të qytetit është rritur dhe po zhvillohet nëpër rrugë të thata.

LAMM rekomandon shpejtësi të adaptuar të lëvizjes, respektim të sinjalizimit të vendosur të komunikacionit dhe drejtim të kujdesshëm të automjetit, veçanërisht në rrugët nëpër fushëgropa, luginat e lumenjve dhe grykat malore ku ka mundësi për shembje. Kjo veçanërisht ka të bëjë për akset Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Kryeministri Zoran Zaev sot bëri thirrje për mbajtjen e takimit të liderëve, të premten në orën 14 në Klubin e Deputetëve.

Ftesa i është bërë liderit të VMRO-DPMNE-së Hristijan Mickoskit, të BDI-së Ali Ahmetit dhe të Aleancës të Shqiptarëve Zijadin Selës.

Në takimin e liderëve, siç thekson Zaev, do të bisedohet për kodin e ri zgjedhor dhe modelin zgjedhor, për ligjin për prokurorinë publike respektivisht për zgjidhjen e statusit të PSP-së dhe për regjistrimin.

Zaev nuk e përjashton mundësinë që të bisedohet edhe për tema të tjera, midis të cilave edhe për zgjedhjet e parakohshme, që insiston opozita, por thotë se, edhe pse partia qeveritare është e gatshme për zgjedhjet, përparësi për momentin duhet të kenë eurointegrimi dhe zhvillimi i vendit dhe ekonomis

Duke hyrë në një fazë të re të konsolidimit të partisë, pasi që ka përfunduar regjistrimi si parti dhe pasi që kanë përfunduar proceset zgjedhore, Alternativa tashmë i ka plotësuar edhe organet hierarkisë partiake, të mbetura bosh që nga themelimi i saj. Kështu në mbledhjen e fundit të Kryesisë Qendrore, që është mbajtur në fund të qershorit, janë zgjedhur edhe nënkryetarët dhe sekretarët e sekretariateve të partisë.

Për nënkryetarë, përveç deputetit Dr. Nexhbedin Kahremani nga Tetova – që është zgjedhur në këtë detyrë qysh më herët, tash janë zgjedhur edhe Lulzim Aliu nga Kërçova – profesor universitar në Fakultetin Pedagogjik në Shkup dhe Admirim Aliti nga Kumanova – profesor universitar nga Universiteti “Nëna Terezë”.

Meqë sipas Statutit të Alternativës janë përcaktuar edhe 5 sekretariate, Kryesia Qendrore e partisë i zgjodhi edhe këto organe. Kështu për Sekretar të Sekretariatit të Departamenteve u zgjodh Asaf Ademi nga Gostivari – ish ministër i Kulturës, një kuadër tashmë i dëshmuar i Alternativës. Ai e ka për detyrë ta bëjë ekipimin e njëmbëdhjetë departamenteve me ekspertë që nuk është patjetër të jenë anëtarë dhe aktivistë të Alternativës.

Për Sekretar të Sekretariatit të Politikave Strategjike është zgjedhur Arben Labënishti nga Struga – ish deputet e ish zëvendësministër i Mbrojtjes, ndërsa aktualisht drejtor i Klinikës së Sëmundjeve të Mushkërive në Shkup.

Në detyrën e Sekretarit të Sekretariatit të Burimeve Njerëzore dhe Lobimit është zgjedhur Driton Sulejmani nga Kumanova – drejtor i Muzeut të Shkencave të Natyrës

Kryetari i degës së Çairit nga Shkupi, Bekim Sali – stomatolog, për shkak të përvojës së suksesshme në dy cikle zgjedhore, është zgjedhur Sekretar i Sekretariatit të Organizativ.

Ndërkaq, Sekretari i Sekretariatit për Marrëdhënie me Publikun është zgjedhur Zeqirija Ibrahimi – ish deputet dhe, aktualisht, hulumtues shkencor në Institutin e Trashëgimisë Shpirtërore e Kulturore të Shqiptarëve.

Po ashtu në fillim të korrikut është mbajtur edhe mbledhja e rregullt e Kuvendit Qendror të partisë, në të cilën janë marrë vendime që procesi i zgjerimit dhe prurjeve cilësore në parti të vazhdojë dhe kjo të shkojë në favor të interesave politike të Alternativës dhe në dobi të votuesve të saj dhe qytetarëve të tjerë në vend.