Përgjegjësja e arsimit pranë Komunës së Gostivarit, znj. Aslian Snopçe, në një konferencë për shtyp të mbajtur sot, theksoi se marrja për së dyti e ingerencave në arsim kryetarit të komunës, Arebn Taravari, tregon se ministri i arsimit gjatë punës së tij këtë e ka të vetmin “rezultat” dhe se nuk do të ishte habi që këtë ta bëjë edhe për të tretën herë pas shtatë muajsh, por këtë rast nuk do ta ketë sepse deri atëherë shumëçka do të ndryshojë në Gostivar.
Fjalën e saj në press-koferencë, jua japim në mënyrë integrale.
“Тë nderuar përfaqësues të mediave,
Fillimisht ju falënderoj për prezencën tuaj në këtë pres konferencë.
Nëpërmjet kësaj konference për shtyp, dëshirojmë t’ju informojmë se pas marrjes së kompetencave ne sferën e emërimit dhe shkarkimit të drejtorëve nga ana e ministrit të arsimit për të dytën herë, këto ditë pasoi edhe vazhdimësia e këtij vendimi politik. Imagjinoni, në mes të fushatës zgjedhore, ministri ia lejon vetes luksin që të shkarkojë drejtorët e emëruar nga ana e kryetari të komunës dhe sjell vendim për kthimin e drejtorëve të vjetër partiakë.
Pra, ky është edhe një skandal në vazhdën e skandaleve që e kanë burimin pikërisht te Ministria e arsimit dhe shkencës. Për këtë, gjykimin ia lëmë vetë qytetarëve, ndërsa dokumentacioni respektiv do të dërgohet deri te Komisioni anti-korrupsion për konstatimin e kësaj parregullsie.
Në vend që ministri të merret me problemet e shumta që e kanë mbuluar sferën e arsimit; në vend që të merret me sigurimin e mësimit në gjuhën shqipe gjë që është e garantuar me ligj; në vend që te merret me përmirësimin e teksteve shkollore ku ende shqiptarët figurojnë si popull i zbritur nga malet, ku në tekstet shkollore të muzikës të gjitha këngët janë në gjuhën maqedonase; në vend që të merret me eliminimin e tenderëve në katër sy që bëhen në ministrinë e tij; në vend që të merret me rritjen e kualitetit të Universiteteve shqiptare; në vend që të merret me zbulimin e skandaleve me diplomat nëpër Universitete; në vend që të merret me rritjen e fondeve investuese në sferat hulumtuese ku Maqedonia e zë vendin e fundit ëe rajon … ai vazhdon të merret vetëm me Gostivarin.

Do të ishte mirë që ai të merret me Gostivarin, por, për shembull, për rregullimin e çatise së shkollës Goce Dellçev ku fëmijët duhet të mbajnë ombrella në klasë. Ky ministër prej kur e ka marrë postin, preokupim kryesor e ka vetëm Gostivarin, por, ama, në aspekt tjetër. Është bërë famoz me marrjen e kompetencave në komunën e vetme urbane në këtë shtet, që nuk është nën udhëheqjen e pushtetit aktual.

Ministri i arsimit në raportin e punës së tij do të ketë informatë vetëm për dy vendime kapitale. Informata e pare: marrja e kompetencave të kryetarit të zgjedhur përmes votës së lirë të qytetarëve, dhe e dyta: marrja për të dytën here e kompetencave të kryetarit të komunës në sferën e arsimit.

Ai është shumë “kreativ” me këto dy vendime të tij. Ngado që shkon lavdërohet pikërisht me këto vendime të marrjes së kompetencave.

Tani do të pasojë edhe një periudhë letargjie nga ana e Ministrisë qe e drejton ai. Por. jemi të bindur se pas shtatë muajve përsëri do të ketë një investim kapital nga ana e ministrisë së tij. Ai investim kapital do të jetë marrja për herë të tretë e kompetencave kryetarit të Gostivarit.

Fundja, tjetër gjë nuk ai din të bëjë. Megjithatë, nuk do ta ketë atë mundësi, pasi që së shpejti situata do të ndryshojë, dhe në Gostivar do të vijnë kohë të reja.”

Shërbimi për informim

Në Gjykatën Penale në Shkup sot duhet të mbahen seanca për “Titanik” dhe “Fortesa” të Prokurorisë Publike Speciale.

Në lëndën “Fortesa 2” i akuzuar i parë është ish-shefi i Drejtorisë së Pestë, Goran Grujovski, si edhe gjashtë të punësuar në DSK. Debati i kaluar u anulua për shkak të aktgjykimit të padorëzuar të Gjykatës Supreme nga Ministria e Drejtësisë së Maqedonisë së Veriut.

Të akuzuarit në rastin “Fortesa 2” gjykohen për falsifikimin e dokumentit zyrtar dhe për asgjësimin e dokumentit zyrtar lidhur me përgjimin e paligjshëm. Dokumenti lidhet me dy sistemet e përgjimit ilegal, të cilat sipas PPS-së janë asgjësuar gjatë vitit 2014.

Lënda “Titanik” ndodhet në procedurë dëshmuese dhe prezentohen dëshmi materiale të propozuara nga PPS. Deri më tani janë prezentuar rreth 3.000 prej 5.900 dëshmive materiale.

Përveç ish-kryeministrit, Nikolla Gruevski i cili është në arrati në Hungari, në “Titanik” të akuzuar janë edhe Kirlli Bozhinovski, Mile Janakieski, Gordana Jankulloska, Biljana Brishkoska Boshkovski, Iljia Dimovski, Munir Pepiq, Edmond Temellko, Leko Ristoski, Kirill Todorovski, Katerina Vellkovska, Stanko Korunovski, Kosta Markovski, Dragçe Dragçeski, Marjan Nekevski, Goce Janevski, Xhezmi Ahmet, Robert Davitkov, Dalibor Aleshkoviq dhe Lenka Rashjakovska.

Ata dyshohen për bashkëpjesëmarrje në krim, shkeljen e të drejtës për votim, shkeljen e lirisë së përcaktimit të votuesve, ryshfetit gjatë zgjedhjeve dhe votimit, asgjësimin e materialit zgjedhor dhe për keqpërdorimin e mjeteve për financimin e fushatës zgjedhore. shk/

Kandidatët për president të Republikës së Maqedonisë së Veriut e vazhdojnë fushatën, ku në takime me qytetarë dhe tubime i prezantojnë programet e tyre zgjedhore.

Blerim Reka, i cili në këto zgjedhje të gjashta presidenciale merr pjesë me përkrahje të opozitës shqiptare, programin e vet zgjedhor do ta prezantojë para qytetarëve të Dibrës, kandidatja e VMRO-DPMNE-së Gordana Siljanovska Davkova do të qëndrojë në Demir Hisar dhe Manastir, derisa kandidati i LSDM-së Stevo Pendarovski do të ketë takime me qytetarë të Çeshinovës, Obleshevës dhe Pehçevës dhe tribuna qytetare në Berovë dhe Dellçevë.

Fushata zyrtarisht ka filluar më 1 prill, ndërsa do të zgjas deri më 19 prill pas së cilës pason heshtje 24 orësh para ditës së zgjedhjeve.

Pendarovski nën moton “Bashkë përpara” e filloi fushatën nga Prilepi, Siljanovska nën sloganin “Drejtësi për të gjithë” nga vendlindja e Ohrit, derisa Reka nën moton “Republikë për të gjithë” nga Shkupi.

Tre kandidatët për president të shtetit kanë premtuar fushatë të qetë dhe korrekte në pothuajse gjitha vendet e populluara. fab/

Mbrëm kandidati për president, prof. Blerim Reka, vazhdoi fushatën e tij në komunën e Sarajit, ku u takua me mijëra qytetarë.

Gjatë takimit, kandidati presidencial, prof. Reka është shoqëruar edhe nga lideri i Alenacës për Shqiptarët, Ziadin Sela si dhe nga kreu i Lëvizjes BESA, Bilall Kasami.

Lideri i Aleancës për Shqiptarët, Ziadin Sela gjatë tubimit hapur potencoi se përkrahja e kandidaturës së Prof. Blerim Rekes është rruga e drejtë që duhet të ndjekin.

“Jemi para zgjedhjeve presideniale dhe kjo është rruga e drejtë që duhet të ndjekim. Kjo është rruga simbolike e fitores. Me përkrahjen e juaj, dalim ballë lartë në zgjedhje dhe ne nuk jemi disa të tjerë që dalin ti përkrahim me turp të tjerët. Me 21 prill të vazhdojmë me krenari drejt fitores, të gjithë të rreshtohemi pas kandidatit prof. Blerim Rekës, kështu duhet të veprojnë të gjithë shqiptarët.

Ndër të tjera, kreu i Lëvizjes Besa, potencoi se në këto zgjedhje nuk kemi çfarëdo kandidati por një profesor, diplomat që ka punuar në përfaqësimin e Maqedonisë.

“Jemi këtu për të treguar se prof. Blerim Reka është zgjedhja për të gjithë shqiptarët. Blerim Reka me përkrahjen e të gjithë shqiptarëve do të kalojë në raundin e dytë dhe do të fitojmë zgjedhjet. Shqiptarët janë 500 mijë votues. Ftesë shqiptarëve, maqedonasve, romëve të votojnë të gjithë së bashku për prof. Blerim Rekën sepse ai është kandidati më i mirë për Maqedoninë”.

Gjatë bashkëbisedimit me qytetarët në komunën e Sarajit, Reka targëtoi rëndësinë e votës e jo diktatit nga partitë e tjera.

“Kjo prani e juaja dëshmon se ju nuk do të votoni sipas diktatit. Sot për të parën herë partitë shqiptare në pushtet e kundërshtojnë kandidatin shqiptarë. Jemi të ngopur me premtime boshe dhe kjo është arsyeja se përse qytetarët tanë e lëshojnë vendin. Programi im është kundër zbrazjes së vendit. Votat e juaja nuk do të lejojnë zbrazjen e vendit. Sot Maqedonia ka vetëm 1 shqiptarë ambasador, njësia e “Ujqërve”- asnjë, kështu nuk hyhet në Evropë. Disa po mshefen nga përgjegjësia duke dëshiruar të shuajnë prokurorinë speciale, për t’i ikur dënimit. Sot nuk mund të pranojmë denigrimin”, theksoi prof. Blerim Reka. /TV KOHA

Mbani kaskë mbrojtëse, kini kujdes në shpejtësinë, përdorni sinjalet e kthimit, mbani distancë. përdorni të dyja frenat, evitoni “këndet e vdekura”, mbani jelek reflektues dhe pajisje mbrojtëse, u bëjnë apel nga Këshilli Republikan për Siguri në Komunikacion të Rrugëve të gjithë motoçiklistëve”, duke theksuar se ata janë edhe grupi më i rrezikuar në trafik, nëse merret parasysh sa pjesa e trafikut u takon atyre dhe sa është pjesëmarrja e tyre në numrin e përgjithshëm të personave të vdekur dhe të lënduar në aksidentet rrugore.

Nga KRSKRR theksojnë se mesatarisht, në nivel vjetor në vend, rreth 15 motoçiklistë e humbin jetën në aksidente rrugore.

“Motoçiklistët janë kategori e ndjeshme e pjesëmarrësve në trafik, drejtpërdrejt e ekspozuar në rreziqe që vazhdimisht janë në trafik dhe te e cila rreziku për marrje të lëndimeve vdekjeprurëse në rast të aksidentit rrugor është jashtëzakonisht i ulët” kanë potencuar nga Këshilli.

KRSKRR në fillim të sezonit për motoçiklistë u bëjnë apel motoçiklistëve të kenë kujdes dhe të ndërgjegjshëm në trafik, t’i kenë kujdes rregullat për përkufizimin e shpejtësisë, të përdorin kaska dhe pajisje tjetër mbrojtëse për siguri pasive.

I tërë rajoni konsumues dibran dhe ishte pa energji elektrike për rreth 17 orë, prej orës 7:00 deri në orën 23:40.

Paraprakisht u paralajmërua se për shkak të ndërhyrjeve teknike në Hidroelektranën “Shpilje” afër Dibrës, pa energji elektrike, rajoni më i gjerë dibranë do të mbetet prej orës 6:00 deri në orën 19:00.

“Gjatë servisimit të rregullt të lidhjes rregulluese të transformatorit rregullues 110/35 kilovoltësh u paraqit problem për çka u nevojit angazhim plotësues. Për atë shkak rajoni mbeti pa energji elektrike, më gjatë nga që ishte planifikuar”, deklaruan për MIA-n nga ELEM-i.

Rajoni konsumues dibran i përfshin komunat Dibër, Qendër Zhupë dhe rajonin e Rekës, komuna Mavrovë dhe Rostushë, e cila përfshin mbi katër mijë konsumatorë, persona juridikë dhe fizikë.

Pakënaqësi nga ndërprerja e gjatë e rrymës shfaqën edhe bizneset, të cilët ankohen se u është shkaktuar dëm material.

Me pyetje të kryqëzuara të dëshmitarit Zvonko Kostovski nga ana e të akuzuarit Toni Jakimovski në Gjykatën Penale filloi seanca për lëndën “Target – Fortesa” të Prokurorisë Speciale Publike.

Paraprakisht i akuzuari Jakimovski i cili vuan dënim me burg në Kumanovë tha se nuk është mirë me shëndet, gjegjësisht ka pasur tension të lartë. Kryetarja e Këshillit Gjyqësor Xheneta Bektoviq e pyeti nëse mund të vazhdojë, ai tha do të mundohet të koncentrohet dhe i parashtroi pyetje Kostovskit për atë kush i ka përdorë fjalëkalimet në sistemin “najs” dhe kush ka mundur të krijojë fjalëkalime të reja apo t’i përdorë “privilegjet”. Dëshmitari tha se “top administrator” është një dhe nuk mund të ketë tjetër. Ai e ka përdorë “top administratorin” dhe Nebojsha Sajkoviqin, i cili i ka pasur të gjitha privilegjet në sistem.

Në lëndën “Target-Fortesa” të Prokurorisë Speciale Publike akuzohen ish-shefi i Drejtorisë së pestë të MPB-së Goran Grujevski, Nikolla Boshkovski, ish-ministrja e Punëve të Brendshme, ish-drejtori i DSK-së Sasho Mijallkov, Toni Jakimovski, Vlladimir Varellov nga DSK-ja dhe pesë persona tjerë nga Drejtoria.

Sipas aktit të prokurorisë, mbi tre sisteme për përcjellje të komunikimeve në DSK në periudhën nga viti 2008 deri në vitin 2015 ilegalisht janë përcjellë 4.286 numra telefonikë, për të cilën fare nuk janë lëshuar urdhra gjyqësorë.

Komunikimi është përcjellë para se të lëshohen urdhrat dhe pasa përfundimit të kohëzgjatjes të validitetit të urdhrave gjyqësorë të 1.541 apo gjithsej 5,827 numrat telefonikë. Janë përgjuar mbi 20 mijë qytetarë.