Duke pasur parasysh faktin se përsëri aktualizohet çështja që ka të bëjë me shkarkimet dhe emërimet e drejtorëve në shkollat fillore dhe të mesme të Gostivarit, Ministria e Arsimit dhe Shkencës ka për detyrë që edhe një herë të sqarojë se, MASH-i është institucion që nuk vepron në mënyrë arbitrare dhe sipas vullnetit të individëve por vepron vetëm në përputhje me Ligjin dhe respektimin e dispozitave ligjore në vend, si dhe të vendimeve të institucioneve dhe organeve tjera përgjegjëse për kontrollin, mbikëqyrjen dhe vendimmarrjen për situata të caktuara, siç është rasti konkret në komunën e Gostivarit.
Në fakt, siç është njoftuar tashmë opinioni, pas mbikëqyrjeve inspektive nga Inspektorati Shtetëror i Arsimit janë konstatuar një sërë parregullsish dhe mosrespektimi i ligjeve nga kryetari i komunës së Gostivarit dhe vetëqeverisjes lokale në procedurat për shkarkimin dhe emërimin e drejtorëve të shkollave. Fjala është për procedurën e parregullt të cilën e kanë përsëritur dy herë e, që në fakt është edhe baza për marrjen e kompetencave Komunës në sferën e arsimit dhe obligimin për kryetarin e komunës për kthimin e gjendjes së mëparshme.
Arsimi është sferë në të cilën politika nuk duhet të integrohet dhe të shkaktojë dëme në procesin arsimor të nxënësve. Institucionet e arsimit duhet të kenë udhëheqës të cilët nuk do të lejojnë në asnjë moment dhe në asnjë rast të devijojë procesi i arsimit dhe edukimit të nxënësve.
Prandaj, Ministria e Arsimit dhe Shkencës, në përputhje me kompetencat e marra nga Komuna e Gostivarit dhe duke e respektuar dhe vepruar sipas Vendimit të Komisionit Shtetëror për Vendimmarrje në Procedurë Administrative dhe Procedurë për Marrëdhënie Pune në Shkallën e Dytë, me të cilin miratohet ankesa e drejtorëve të shkarkuar të shkollave në mënyrë joligjore në Gostivar, solli Vendim për kthimin e tyre në pozitat e punës prej së cilës janë shkarkuar në mënyrë joligjore.
Ministria e Arsimit dhe Shkencës është e obliguar t’i respektojë vendimet e Komisionit Shtetëror për Vendimmarrje në Procedurë Administrative dhe Procedurë për Marrëdhënie Pune në Shkallën e Dytë dhe të veprojë konform të njëjtave, që do të thotë se vendimi i marrë është veprim në përputhje me vendimin e Komisionit të Shkallës së Dytë.
Edhe një herë i bëjmë thirrje Komunës së Gostivarit, kryetarit të kësaj komune dhe udhëheqjes së saj që të mos akuzojnë me hamendësime dhe në mënyrë të rrejshme vetëm për qëllimet e tyre politike dhe të mos e përfshijnë politikën në procesin edukativo-arsimor, sepse në këtë situatë të krijuar dëm u shkaktohet vetëm nxënësve dhe procesit edukativo-arsimor.

Ministria e Arsimit dhe Shkencës

Ministri i Punëve të Brendshme Oliver Spasovski sot informon se deri tani MPB ka dorëzuar nëntë padi penale për zjarrvënës në shtet. Sipas tij, ka indikacione serioze se përveç interesave të biznesit, ndodhin zjarre edhe nga pakujdesia, megjithatë edhe për arsye politike.

“Konkretisht, konsiderojmë se ajo që ndodhi në sallën “Boris Trajkovski”, është zjarr i qëllimshëm, duke konsideruar se këtu do të mbahet konventa e njërës parti politike. Seriozisht punojmë në detektimin e të gjitha informacioneve të cilat i marrim, shkojnë në atë drejtim se është e mundur të ketë përzierje politike”, deklaroi Spasovski pas shënimit të sotëm të 15 vjetorit të Qendrën Rajonale MARRI.

Ai ka apelur deri te qytetarët të përmbahen nga shkatërrimi i natyrës dhe nga çdo motiv të shkaktojnë zjarre dhe shkatërrime në Republikën e Maqedonisë së Veriut, sepse, paralajmëroi, për atë vijon përgjegjësi serioze. sa/

Gjatë javës së kaluar, janë regjistruar pesë raste të vdekjes të shkaktuara nga gripi, prej të cilave tek dy persona është konfirmuar sëmundje e mëparshme kronike. Pesë pacientët që kanë ndërruar jetë nga gripi janë nga Shkupi, Delçeva, Kriva Pallanka, Ohri dhe Tetova, në moshë prej 39-75 vjeçare, njoftoi Instituti i Shëndetit Publik.

Tek tre prej viktimave është izoluar virusi i gripit A(H1pdm) virusi i gripit, ndërsa tek një i tipit A.

Numri i përgjithshëm i rasteve të vdekjes nga gripi gjatë sezonit 2018/2019 deri tani është 28.

Gjatë javës së 13-të të vitit 2019 (25.03- 31. 03.2019), janë raportuar 478 raste me sëmundje të ngjashme me gripin, që është për 51 për qind më pak në krahasim me javën paraprake.

Në krahasim me javën e 13-të të sezonit të kaluar numri i personave me grip është rritur për 23,8 për qind.

Rreth 1.200 emigrantë ndodhen në Greqi në afërsi të kufirit tonë dhe rreth 500 në afërsi të Selanikut, ndërsa ka informacione për përplasje me policinë greke. Gjendja në këtë moment është nën kontroll, deklaroi sot Sashko Kocev, drejtor i MARRI Qendrës Rajonale, për shënimin e 15-vjetorit të kësaj nisme, duke iu përgjigjur pyetjes së gazetarëve nëse është e mundur valë e re e emigrantëve në një të ardhme të afërt duke i pasur parasysh ngjarjet në kufirin me Greqinë.

“Fillimisht shtetet tani janë shumë më të përgatitura, ekziston mbështetje e madhe nga BE-ja në ballafaqimin me krizën e emigrantëve, ndërsa në kufirin tonë jugor drejt Greqisë patrullojnë policë të më shumë shteteve evropiane së bashku me policinë kufitare të Maqedonisë së Veriut. Për dallim prej vitit 2015 Maqedonia e Veriut dhe i gjithë rajoni është larg më i përgatitur për përgjigje përkatëse nëse paraqitet numër i rritur i emigrantëve”, theksoi Kocev, duke shtuar se nuk pret që të përsëritet gjendja me emigrantët nga viti 2015.

Lidhur me rritjen e numrit të emigrantëve të cilët tubohen në kampet në Greqi, ministri i Punëve të Brendshme, Oliver Spasovski theksoi se çdo ditë këmbejnë informacione me homologët grekë.

Sipas Spasovskit, ky tubim më i madh në kampet në Greqi është nga dje, me ç’rast përmes planeve të veçanta është përforcuar sigurimi i kufirit shtetëror midis Greqisë dhe Maqedonisë së Veriut.

“Deri më tani bëhet fjalë për grup prej rreth 1.200 deri në 1.500 emigrantë. Tani për tani homologët grekë e kontrollojnë këtë numër por gjithsesi kemi për obligim të jemi të përgatitur që ta mbrojmë kufirin dhe mundësinë eventuale për hyrje në Republikën e Maqedonisë së Veriut”, deklaroi Spasovski.

Spasovski theksoi se është rritur trendit për hyrje ilegale në kufirin jugor. Por, thekson, nëse shihen numrat për atë se sa emigrantë janë kthyer të cilët kanë dashur në mënyrë ilegale të kalojnë, ky numër në vitin 2018 është rreth 16.900.

Një prej sfidave tani dhe që do të vazhdojë edhe më tej theksoi ai është migrimi dhe nuk është e përjashtuar më tej të kemi numër të emigrantëve të cilët dëshirojnë të funksionojnë disa prej rutave të tjera. Spasovski theksoi se emigrantët për një kohë të gjatë nuk kalojnë përmes rutës së Ballkanit Perëndimor, shkojnë përmes Shqipërisë, Malit të Zi dhe Bosnjë dhe Hercegovinës ose Shqipërisë dhe Italisë edhe më tej në Evropë. Përkujtoi se MPB bashkëpunon me FRONTEKS-in, me shtetet e rajonit, por edhe me BE-në. Prandaj ishte decid Spasovski, jemi të gatshëm t’i përgjigjemi çdo sfide. shk/

Një burë 48 vjeçar i paidentifikuar nga Kranji, i cili mbrëmë e rrëmbeu autobusin në Lubjanë pas arrestimit ka vdekur në stacionin e policisë edhe krahas tentimeve për reanimacion.

Policia sllovene ka njoftuar se ai ka rrëmbyer një autobus nga transporti publik dhe nën kërcënimin e mjetit të fortë e ka detyruar shoferin të devijojë nga linja e rregullt, por pasi është arrestuar, ka humbur vetëdijen dhe ka vdekur.

Mediat sllovene kanë informuar se sulmuesi me kaçavidë i është kërcënuar shoferit të kthejë te qarkorja, shoferi e ka dëgjuar atë, por ka kaluar në dritën e kuqe të semaforit që të alarmojë policinë. Poashtu dhe një udhëtare ka arritur ta alarmojë policinë për incidentin që ndodhi mbrëmë rreth orës 21.

“Policia me përdorimin e mjeteve të detyrueshme (pranga, forcë fizike dhe intervenim profesional) e ka neutralizuar sulmuesin dhe e ka vënë nën kontroll jashtë autobusit. Në procedurën pas arrestimit, i arrestuari ka filluar të ngulfatet. Policia ka filluar t’i jep ndihmën e parë, pastaj ka vazhduar edhe ekipi i Ndihmës së shpejtë, duke tentuar ta reanimojnë. Por edhe krahas tentimeve, ai ka vdekur”, thuhet në komunikatën e policisë.

Mediat njoftojnë se rrëmbyesi pas hyrjes në automjet është sjellë çuditshëm dhe është e mundur të ketë qenë nën ndikimin e drogës. fab/

Idetë megalomane për ndërtim në Vodno nuk ndalen pa marrë parasysh se ekspertët e tërheqin vërejtjen se urbanizimi agresiv e asgjësojnë natyrën në malin, e ndryshon klimën në Shkup dhe shkakton vend-rrëshqitje të rrezikshme për jetën e qytetarëve.

Ambasada bullgare në Shkup në një deklaratë me shkrim për MIA-n reagoi për, siç thuhet në reagim, interpretimin e gabuar të fjalëve të ambasadorit Angel Angelov në disa pjesë të mediave të Maqedonisë së Veriut në lidhje me hetimin e aksidentit ajror që ndodhi në vendin e quajtur “Sollunska Glava”, ku humbën jetën familja bullgare katër anëtare.

“Në lidhje me shkrimet në disa media për deklaratën e ambasadorit në Republikën e Bullgarisë, Angel Angelov, me rastin e aksidentit tragjik me aeroplanin e familjes bullgare katër anëtare në Republikën e Maqedonisë së Veriut, Ambasada e Republikës së Bullgarisë në Shkup kategorikisht kumton se bëhet fjalë për interpretim të gabuar të fjalëve të tij në lidhje me hetimin e incidentit. Në deklaratën e tij ambasadori Angelov i ndan vetëm pikëpamjet e tij personale, si dhe të banorëve dhe turistëve të Ohrit, për kohën e keqe në qytet, pa shtuar ose pa hequr asgjë në lidhje me hetimin”, thuhet në reagimin e Ambasadës.

“Njëkohësisht, Ambasada e Republikës së Bullgarisë këtë rast e shfrytëzon për ta vërtetuar bashkëpunimin e mirë midis organeve kompetente të të dyja shteteve në këtë rast”, thuhet në kumtesë. aa/mp/

Përgjegjësja e arsimit pranë Komunës së Gostivarit, znj. Aslian Snopçe, në një konferencë për shtyp të mbajtur sot, theksoi se marrja për së dyti e ingerencave në arsim kryetarit të komunës, Arebn Taravari, tregon se ministri i arsimit gjatë punës së tij këtë e ka të vetmin “rezultat” dhe se nuk do të ishte habi që këtë ta bëjë edhe për të tretën herë pas shtatë muajsh, por këtë rast nuk do ta ketë sepse deri atëherë shumëçka do të ndryshojë në Gostivar.
Fjalën e saj në press-koferencë, jua japim në mënyrë integrale.
“Тë nderuar përfaqësues të mediave,
Fillimisht ju falënderoj për prezencën tuaj në këtë pres konferencë.
Nëpërmjet kësaj konference për shtyp, dëshirojmë t’ju informojmë se pas marrjes së kompetencave ne sferën e emërimit dhe shkarkimit të drejtorëve nga ana e ministrit të arsimit për të dytën herë, këto ditë pasoi edhe vazhdimësia e këtij vendimi politik. Imagjinoni, në mes të fushatës zgjedhore, ministri ia lejon vetes luksin që të shkarkojë drejtorët e emëruar nga ana e kryetari të komunës dhe sjell vendim për kthimin e drejtorëve të vjetër partiakë.
Pra, ky është edhe një skandal në vazhdën e skandaleve që e kanë burimin pikërisht te Ministria e arsimit dhe shkencës. Për këtë, gjykimin ia lëmë vetë qytetarëve, ndërsa dokumentacioni respektiv do të dërgohet deri te Komisioni anti-korrupsion për konstatimin e kësaj parregullsie.
Në vend që ministri të merret me problemet e shumta që e kanë mbuluar sferën e arsimit; në vend që të merret me sigurimin e mësimit në gjuhën shqipe gjë që është e garantuar me ligj; në vend që te merret me përmirësimin e teksteve shkollore ku ende shqiptarët figurojnë si popull i zbritur nga malet, ku në tekstet shkollore të muzikës të gjitha këngët janë në gjuhën maqedonase; në vend që të merret me eliminimin e tenderëve në katër sy që bëhen në ministrinë e tij; në vend që të merret me rritjen e kualitetit të Universiteteve shqiptare; në vend që të merret me zbulimin e skandaleve me diplomat nëpër Universitete; në vend që të merret me rritjen e fondeve investuese në sferat hulumtuese ku Maqedonia e zë vendin e fundit ëe rajon … ai vazhdon të merret vetëm me Gostivarin.

Do të ishte mirë që ai të merret me Gostivarin, por, për shembull, për rregullimin e çatise së shkollës Goce Dellçev ku fëmijët duhet të mbajnë ombrella në klasë. Ky ministër prej kur e ka marrë postin, preokupim kryesor e ka vetëm Gostivarin, por, ama, në aspekt tjetër. Është bërë famoz me marrjen e kompetencave në komunën e vetme urbane në këtë shtet, që nuk është nën udhëheqjen e pushtetit aktual.

Ministri i arsimit në raportin e punës së tij do të ketë informatë vetëm për dy vendime kapitale. Informata e pare: marrja e kompetencave të kryetarit të zgjedhur përmes votës së lirë të qytetarëve, dhe e dyta: marrja për të dytën here e kompetencave të kryetarit të komunës në sferën e arsimit.

Ai është shumë “kreativ” me këto dy vendime të tij. Ngado që shkon lavdërohet pikërisht me këto vendime të marrjes së kompetencave.

Tani do të pasojë edhe një periudhë letargjie nga ana e Ministrisë qe e drejton ai. Por. jemi të bindur se pas shtatë muajve përsëri do të ketë një investim kapital nga ana e ministrisë së tij. Ai investim kapital do të jetë marrja për herë të tretë e kompetencave kryetarit të Gostivarit.

Fundja, tjetër gjë nuk ai din të bëjë. Megjithatë, nuk do ta ketë atë mundësi, pasi që së shpejti situata do të ndryshojë, dhe në Gostivar do të vijnë kohë të reja.”

Shërbimi për informim

Në Gjykatën Penale në Shkup sot duhet të mbahen seanca për “Titanik” dhe “Fortesa” të Prokurorisë Publike Speciale.

Në lëndën “Fortesa 2” i akuzuar i parë është ish-shefi i Drejtorisë së Pestë, Goran Grujovski, si edhe gjashtë të punësuar në DSK. Debati i kaluar u anulua për shkak të aktgjykimit të padorëzuar të Gjykatës Supreme nga Ministria e Drejtësisë së Maqedonisë së Veriut.

Të akuzuarit në rastin “Fortesa 2” gjykohen për falsifikimin e dokumentit zyrtar dhe për asgjësimin e dokumentit zyrtar lidhur me përgjimin e paligjshëm. Dokumenti lidhet me dy sistemet e përgjimit ilegal, të cilat sipas PPS-së janë asgjësuar gjatë vitit 2014.

Lënda “Titanik” ndodhet në procedurë dëshmuese dhe prezentohen dëshmi materiale të propozuara nga PPS. Deri më tani janë prezentuar rreth 3.000 prej 5.900 dëshmive materiale.

Përveç ish-kryeministrit, Nikolla Gruevski i cili është në arrati në Hungari, në “Titanik” të akuzuar janë edhe Kirlli Bozhinovski, Mile Janakieski, Gordana Jankulloska, Biljana Brishkoska Boshkovski, Iljia Dimovski, Munir Pepiq, Edmond Temellko, Leko Ristoski, Kirill Todorovski, Katerina Vellkovska, Stanko Korunovski, Kosta Markovski, Dragçe Dragçeski, Marjan Nekevski, Goce Janevski, Xhezmi Ahmet, Robert Davitkov, Dalibor Aleshkoviq dhe Lenka Rashjakovska.

Ata dyshohen për bashkëpjesëmarrje në krim, shkeljen e të drejtës për votim, shkeljen e lirisë së përcaktimit të votuesve, ryshfetit gjatë zgjedhjeve dhe votimit, asgjësimin e materialit zgjedhor dhe për keqpërdorimin e mjeteve për financimin e fushatës zgjedhore. shk/