Kryeministri Zoran Zaev mohoi zërat se për shkak të mosmarrëveshjeve me BDI-në në lidhje me Ligjin për Mbrojtje Sociale, ministrja Milla Carevska do të shkarkohet nga detyra. Sipas tij, problemet tashmë janë tejkaluar.

” E drejta për të fituar ndihmën sociale, sipas kritereve të definuar aty në një nen, vlente për amvisëritë. Tradita tek qytetarët shqiptar është që në amvisëri të jetojnë persona nga rrethi më i gjerë, kushërinj, familjarë. Kishte nevojë që të kthehet në nivel të familjes, tek babai, nëna dhe fëmijët. Kjo sot u pranua. Ligji do të hyn në procedurë, në seancën e radhës do të caktohet dhe do të mbështetet bashkërisht nga partnerët e koalicionit dhe më gjer”, tha Zoran Zaev, kryeministër.

“Përpjekjet për avancimin e Sekretariatit janë të kamotshme, kanë filluar me analizën kualitative të MO-së. Ku është konstatuar se sekretariatet janë shërbime tekniko administrative dhe koordinuese në Qeveri, pa pushtet ekzekutiv, pa mundësi për të propozuar ligje, pa mundësi për të pasur organe brenda tyre. Prandaj Ligjin për përdorimin e gjuhëve nuk e ka propozuar sekretariati por Ministria e Drejtësie, për shkak se Sekretariatet nuk kanë mundësi të propozojnë ligje. Andaj është vlerësuar që Sekretariati të shndërrohet në Ministri”, deklaroi Bujar Osmani, zv. Kryeministër.

Sipas tij në BDI nuk ka përçarje, por përkundrazi është më e unifikuar se kur më parë.

“BDI-ja është më se e unifikuar dhe po realizon programin e saj”, tha Osmani.

Departamenti amerikan i Shtetit publikoi raportin mbi të drejtat e njeriut në botë, përfshirë edhe Maqedoninë e Veriut, ku janë dhënë vlerësime positive dhe negative në disa fusha.

Sipas raportit, korrupsioni mbetet një nga çështjet problematike në vend, derisa ka përparime në sferën e gjyqësorit dhe mediave.

“Qeveria e Maqedonisë së Veriut në vitin 2018 ka ndërmarrë aktivitete për të hulumtuar, akuzuar dhe të dënuar persona zyrtarë policorë të cilët kanë bërë keqpërdorime, ndërsa autoritetet në vend kanë pasur kontroll efektiv ndaj shërbimeve të sigurimit, por megjithatë ekziston nivel i lartë i korrupsionit”, thuhet në raport.

Një vlerësim negativ është dhënë edhe për gjendjen e rëndë dhe johumane në burgjet e vendit, ku siç nënvizohet nuk është arritur implementimi i standarteve ndërkombëtare dhe plotësimi i kushteve për të burgosurit. Raporti citon Avokatin e Popullit që ka alarmuar shumë parregullësi dhe veprime të paligjshme ndaj të burgosurve.

“Në të shumtën e rasteve, gjykatat i përmbahen ligjeve dhe procedurave për paraburgim. Këtë vit numri i urdhrave për paraburgim ka rënë dukshëm në krahasim me vitet e kaluara. Në shumicën e rasteve, në kërkesë edhe të Prokurorisë Speciale Publike, gjykata ka caktuar masa parandaluese në vend të paraburgimit për të dyshuarit”, nënvizon raporti.

Nota pozitive janë dhënë për gjykatat dhe qasjen ndaj tyre, ku janë evidentuar përparime dhe gjykime korrekte, por edhe pengesa që duhet evituar siç janë: pavarësia e kufizuar e gjyqësisë, politizimi i organit mbikëqyrës gjyqësor dhe financat e pamjaftueshme janë pengesë e mëtutjeshme për punën dhe efikasitetin e tyre.

Përparim është evidentuar edhe në sferën e lirisë së medias dhe lirisë së shprehjes, por sërish ka nuanca të dhunës dhe frikësimit të gazetarëve. “Ka disa raporte se Qeveria i ka detyruar gazetarët në autocenzurë. Komisioni Evropian, në raportin nga 17 prilli, vëren se nuk ka avancim në mbrojtjen e kushteve të punës të gazetarëve, si rezultat i asaj që ata ende praktikojnë autocenzurë”, thonë nga Departamenti amerikan në raportin e Departamentit amerikan të Shtetit.

Mitko Çavkov, ish-drejtori i Byrosë për Siguri Publike, është dërgur në parаburgim. Siç raportojnë mediat në gjuhën maqedone, Çavkovi ka tentuar të arratiset dhe për këtë arsye është dërguar në bur.gun hetues të Shutkës.

Ky vendim i Gjykatës Penale të Shkupit, është shqiptuar në bazë të propozimit të Prokurorisë për kriм të organizuar, të cilët paraprakisht kanë siguruar të dhëna operative se ish-drejtori ka planifikuar të ikë.
Mitko Çavkovi, është i akuzuar për rastin e 27 prillit dhe të premtën pritet ti shqiptohet dënimi atij dhe 17 të akuzuarve të mbetur.

Të reshura të borës me intensitet të mesëm dhe erë e përforcuar në mëngjes ka në Kodrën e Diellit, në Gostivar dhe në qafën malore Gjavato, ndërsa me intensitet më të dobët në Mavrovë, Tetovë, Kriva Pallankë, Stracin dhe në qafat malore Strazhë dhe Pletvar.

Komunikacioni në rrugët shtetërore po zhvillohet nëpër rrugë të lagështa, ndërsa në disa vende më të larta në pjesët verilindore dhe perëndimore të shtetit me mbetje të borës në rrugë.

Dukshmëri e zvogëluar për shkak të paraqitjes së mjegullës prej 50-60 metra ka në aksin rrugor Tetovë – Kodra e Diellit.

Intensiteti i komunikacionit në akset rrugore jashtë mjediseve urbane është mesatar. Në vendkalimet kufitare nuk ka pritje më të gjata për hyrje dhe dalje nga shteti.