18/05/2024
20.3 C
Tetovo
Ballina Blog Faqe 1808

Rita mungon në ceremoninë e ‘Brit Awards’, u uron fat të gjithëve me imazhe nga viti i kaluar

0

Rita Ora nuk është e pranishme në ceremoninë e sivjetme të ‘Brit Awards’ për shkak të angazhimeve tjera në karrierën e saj.

Këngëtarja shqiptare me famë botërore konkurron me dy nominime në evenimentin britanik të ndarjes së çmimeve, por nuk është prezente.

28-vjeçarja është përfshirë në garë me dy nominime në kategorinë për ‘Videoklipin më të mirë’ me këngët, “Let You Love Me” dhe “For You”.

Videoja muzikore e “Let You Love Me” është publikuar në YouTube më 21 shtator 2018 dhe deri më tani është shikuar mbi 263 milionë herë. Ndërsa bashkëpunimi me Liam Payne, “For You”, është lansuar më 26 janar 2018 dhe është shikuar mbi 222 milionë herë deri më tani.

“Kaloni një mbrëmje të mrekullueshme të gjithë dhe suksese. Një rikujtim nga viti i kaluar”, ka shkruar Rita në përshkrimin e njërës prej fotografive të publikuara në InstaStory.

Këngëtarja është e angazhuar me përgatitjet e turneut të saj botëror, ‘Phoenix’, i cili mban emrin e albumit të dytë të saj.

Turneu do të fillojë më 1 mars në Melbourne të Australisë dhe do të përfundojë më 19 maj në Glasgou të Skocisë.

Junker: Perspektiva evropiane e Ballkanit Perëndimor është çështje e luftës ose paqes

0

Vendet e Ballkanit Perëndimor duhet të kenë perspektivë të vërtetë për anëtarësim në BE, sepse në të kundërtën ekziston rrezik nga kthimi në vitet e 90-ta, deklaroi sot në Bruksel kryetari i Komisionit Evropian, Zhan Klod Junker,

Ai për perspektivën për anëtarësimin e atyre vendeve bisedoi me presidentin slloven Borut Pahor.

“Nëse ato vende nuk bëhen anëtare të BE-së, rrezikojmë kthim në vitet e 90-ta. Mendoj se kjo është çështje e luftës ose paqes”, ka thënë Junker në konferencën e përbashkët për shtyp.

Duke folur për perspektivën evropiane për Ballkanin perëndimor, Pahor veçanërisht u përqendrua tek BeH-ja, ndaj të cilës tha se duhet të jetë “subtil” që nuk do të thotë se duhet t’i lëshohet pe çështjes për realizimin e kritereve për integrimin evropian.

Junker, i cili në konferencën për shtyp u shfaq me një fasho në fytyrë, tha se dëshiron të theksojë se është prerë në mëngjes derisa po rruhej, që të mos interpretohet “se këtë ia ka shkaktuar kryeministrja britanike Tereza Mej”.

Pas takimit me Pahor, Junker pati takim me kryeministren britanike.

Zyrtare: Samsung lanson Galaxy S10 dhe S10+

0

Telefonat më të rinj të markës Samsung kanë ekran të madh, korniza të vogla dhe një mori kamerash.

Samsung Galaxy S10 është një telefon me madhësi 6.1 inç me tre kamera në anën e pasme, një sensor gjurmë gishtash në ekran dhe një ekran me vrimë rrethore për një kamerë frontale në cepin e sipërm të djathtë.

Samsung Galaxy S10 + është një version 6.4 inç me kamerë të dyfishtë përpara.

Pajisja gjithashtu ka një bateri më të madhe dhe mbështetje për më shumë RAM dhe magazinim sesa modeli tjetër më i vogël.

Në anën e pasme të telefonit, të dy telefonat kanë tre kamera:
12MP kamerë standarde
16MP me kënd ultra të gjerë
13MP lente telefoto me zmadhim optik 2X

Në aspektin e specifikave, Galaxy S10 dhe Galaxy S10 + kanë procesorët Qualcomm Snapdragon 855 ose Samsung Exynos 9820, në varësi të rajonit, dhe paketojnë një ekran 3040 x 1440 pikselë.

6,1 inç Galaxy S10 përmban një bateri prej 3,500 mAh, 6GB RAM dhe një zgjedhje prej 128GB ose 256GB hapësirë ruajtëse, ndërsa Galaxy S10 + posedon ekran 6,4 inç, 4,000 mAh bateri, 6GB ose 8GB RAM dhe opsione të hapësirës prej 128GB, 256GB apo 512GB.

Të dy telefonat duhet të jenë në dispozicion në javët e ardhshme.

 

Mickovski reagon për arrestimet e Veljanovskit, Ristovskit dhe Janakievskit

0

Kryetari i VMRO-DPMNE-së, Hristian Mickoski ka reaguar pas marrjes në pyetje të ish- kreut të Kuvendit Trajko Veljanovski, dhe ministrave Spiro Ristovski dhe Mile Janakieski. Ai akuzon kryeministrin Zoran Zaev dhe qeverinë aktuale për përndjekje politike.

Despoti Zaev po e sheh fundin e tij dhe tani është më i rrezikshëm, për këtë arsye po ndërmerr hapa për përhapjen e frigës tek qytetarët, për këtë arsye edhe po arreston në bazë të deklaratave të njerëzve të dyshimtë, pa fakte. Këta njerëz nuk janë fajtor. Ne e dimë se këtu nuk është problemi as tek Spire, Trajko, Mile apo Nikolla. Këtu problemi është despotit Zoran Zaev dhe shantazhet e tij, dhe sulmet totalitare të tij”, tha mes tjerash Mickoski.

Ndryshe, Prokuroria për krim të organizuar dhe korrupsion sonte ka hapur procedurë hetimore për pesë persona, gjegjësisht, ish kreun e Kuvendit, Trajko Veljanovski, ish-ministrat Spiro Ristovski dhe Mile Janakieski të cilët dyshohen se kanë organizuar ngjarjet e dhunshme në Kuvend me 27 prill të vitit 2017. Dy personat e tjerë sipas informacioneve jozyrtare janë ish- kryeministri Nikolla Gruevski, ish-agjenti i DSK-së Nikolla Boshkovski.

Në orën 18:00 në Gjykatën Penale u morën në pyetje Veljanovski, Ristovski dhe Janakieski. Veljanovski menjëherë pas përfundimit të bisedës është liruar meqë gëzon imunitetin e deputetit, kurse Janakieski dhe Ristovski vazhdojnë të merren në pyetje në Gjykatën Penale.

Jep dorëheqje Lulzim Basha (FOTO)

Kreu i PD-së, Lulzim Basha firmosi mbrëmjen e sotme dokumentin që heq dorë nga mandati i deputetit.

Basha fton qytetarët në protestë nesër në orën 10.00, para Parlamentit.

“Nuk ka kthim pas! Nesër së bashku si qytetarë të lirë para parlamentit” shkruan Basha.

Opozita vendosi që të heqë dorë nga mandatet e deputetëve duke kundërshtuar atë që ata e quajnë regjim kriminal të Edi Ramës.

Ndër të parët që firmosi sot lënien e mandatit, ishte kryetarja e LSI-së, Monika Kryemadhi.

Morena mban gjithë ‘botën’ në duar

Këngëtarja dhe modelja e njohur, Morena Taraku kohëve të fundit bëri bujë me një imazh që publikoi në Instagram, një unazë dhe krahas kësaj unaze ajo shkroi mbishkrimin “I thashë PO”.

Megjithatë, ajo nuk dha ndonjë detaj për këtë, ani pse dyshimet ishin që ajo është fejuar apo diçka e tillë.

Së fundmi, në Instagram ajo publikoi një fotografi me qenin e saj, Boo Moin, për të cilin shkroi “e gjithë bota në duart e mija”.

Mozzik e vesh me “Gucci” vajzën e tij të vogël

Reperi Mozzik dhe Loradana Zefi po e shijojnë në maksimum epitetin prindër.

Si Mozzik ashtu edhe Loredana, në llogaritë e tyre në Instagram po publikojnë shpesh foto të vajzës së tyre Hanës e cila ua ka ndryshuar edhe jetën.

Së fundmi ishte reperi ferizajas ai i cili e ka publikuar një Instastory ku shihet me vajzën në krahë e ajo çfarë u ka rënë ndjekësve në sy ka qenë kapela e saj.

Në fakt ka qenë Mozzik ai i cili ka treguar pranë fotos se e ka veshur vajzën e tij me “Gucci”.

Ai sot bën një jetë të mirë dhe shihet tejet i lumtur pranë familjes, ndërsa nuk e ka pasur problem asnjëherë të tregoi se dikur nuk i ka pasur kushtet edhe aq të mira.

Kida e buzëqeshur dhe joshëse, publikon foto nga tualeti

Orhidea Latifi apo siç njihet për publikun Kida është në Turqi dhe siç shihet ky vend është i preferuari i saj pasi e frekuenton shpesh.

Ajo ka hedhur një imazh në InstaStory gjersa shfaqet para pasqyrës duke buzëqeshur dhe zbulon më shumë se ç’duhet nga fiziku i saj.

Nuk dihet nëse Kida atje është për xhirime të klipit të ri por ajo di gjithnjë të rrëmbejë vëmendjen e publikut.

Ndër të tjera, Kida u largua nga “On Records” dhe tashmë është duke punuar me kompaninë e madhe “AVD Digital”.

Kush qëndron pas suksesit të Dua Lipës?

0

Dua Lipa është një prej këngëtareve më të suksesshme në botë. Famën e madhe e mori në vitin 2015, kur publikoi këngën “Be the One” që arriti të dëgjohej dhe në Europë duke u renditur në toplistat muzikore.

Që prej asaj kohe, suksesi i Duas nuk është ndalur. Por kush arriti të zbulonte talentin e saj dhe ta kthejë në një yll? Këtë e ka zbuluar vetë këngëtarja, ku shkruan:

”Menaxheri im dhe shoku i ngushtë bentap77, i cili i dëgjonte demot e mia që kur isha 17 vjeçe, por pa diçka në mua. Ne ende kemi një rrugë të gjatë për të bërë… por ky ishte një fillim mjaft i mirë për të nisur vitin, mbrëmja Grammy”, shkruan kultplus.

Kujtojmë se në Grammy ajo u vlerësua me dy çmime.

Tashmë mbetet për t’u parë nëse do arrijë të ketë sukses në Brit Awards, ku ka marrë katër nominime.

Për herë të parë Kylie Jenner nuk mohon operacionet plastike

0

Më në fund Kylie Jenner ka vendosur të pranoj se në cilin vend të fytyrës ka intervenuar.
Kylie Jenner ka mohuar gjithmonë se ka bërë operacione plastike por së fundmi gjatë një interviste për “Paper” ka sqaruar gjithçka, duke pranuar po ashtu se ka praktikuar mbushës, transmeton lajmi.net.

“Njerëzit mendojnë se unë jam e gjitha operacion dhe kam ribërë të gjithë fytyrën, që është tërësisht gënjeshtër. Jam e tmerruar! Nuk do ta bëja kurrë. Ata nuk e kuptojnë se çfarë mund të bëjnë flokët e bukur, makijazhi dhe mbushësit. Kam bërë mbushës. Nuk po e mohoj”, ishin fjalët e saj.

Kylie vazhdon të jetë emri më i komentuar në botën e shoubiznesit dhe jo vetëm për shkak të imazheve provokative por edhe për arsye se ka arritur të ketë sukses në biznesin e saj.