Rrjeti telemetrik sizmologjik i Republikës së Maqedonisë së Veriut, në stacionet sizmologjike të instaluara në të gjithë territorin tonë, i mirëmbajtur nga Observatori Sizmologjik pranë Fakultetit Shkencë-Matematikor në Shkup, pas mesnatës së datës 04.05.2024 në ora 01:39, ka regjistruar një tërmet epiqendra e të cilit i përket zonës së epiqendrës së Shkupit, me magnitudë lokale të Rihterit ML 1.9.

Sipas të dhënave të deritanishme që disponon observatori, tërmeti është ndjerë nga popullata e qytetit të Shkupit dhe rrethinës, me intensitet III gradë sipas shkallës makrosizmike evropiane.

Të rinjtë, të cilët janë pjesë e partive politike që janë futur në garë për zgjedhjet parlamentare që do të mbahen më 8 maj, thonë se janë të lodhur nga frazat se gjërat nuk ndryshojnë në Maqedoninë e Veriut. Për këtë arsye, ata thonë se janë inkuadruar në to, që në mënyrë të drejtpërdrejtë të ndikojnë në vendimmarrje kur bëhet fjalë për interesat e tyre.

Drejtuesit e forumeve rinore brenda katër forcave kryesore politike, Lidhjes Social Demokrate(LSDM), Frontit Evropian të udhëhequr nga Bashkimi Demokratik për Integrim (BDI), koalicioni i partive shqiptare në opozitë VLEN, dhe VMRO DPMNE-ja thonë për Radion Evropa e Lirë se angazhimi i tyre në politikë si prioritet ka ngritjen e cilësisë së jetesës që të rinjtë mos largohen nga vendi.

Por, ata kanë edhe ide inovative, si angazhimi i psikologëve sipas modelit të mjekëve familjarë për çdo të ri, krijimi i zonave ekonomike për bizneset e të rinjve etj.

Jetmir Asani nga Lidhja Demokratike që është pjesë e koalicionit të partive politike shqiptare në opozitë, VLEN, thotë se synim ka hapjen e zonave të lira ekonomike për “start up” kompanitë, që do të drejtohen nga të rinjtë në mënyrë që ata të inkurajohen që me njohuritë e tyre të zhvillojnë biznese në Maqedoninë e Veriut dhe jo jashtë vendit.

“Do të angazhohemi që të rinjtë ta kenë më të lehtë të merren me biznes dhe këtë do ta realizojmë përmes krijimit të zonave të lira ekonomike me shumë lehtësime për të rinjtë që do të merren me biznes”, thotë Asani për Radion Evropa e Lirë(REL).

Në programin për zgjedhjet parlamentare të koalicionit VLEN, për sa i përket të rinjve veç tjerash theksohet se “personat më të rinj se 30 vjeç që hapin biznes në Maqedoninë e Veriut për tre vjet do të lirohen tërësisht nga taksat për realizimin e veprimtarive ekonomike”.

Në programin zgjedhor të koalicionit VLEN është apostrofuar dhe sigurimi linjave kreditore pa normë interesi për blerjen e banesave për çiftet e reja nën moshën 35-vjeçare.

“Kredi me zero interes për banim për çiftet e reja”, theksohet në programin zgjedhor të këtij koalicioni.

Jetmir Asani thekson se në fokus të koalicionit të partive shqiptare në opozitë mbetet dhe heqja e taksës së pagesës për studentët në universitete, gjegjësisht studime tërësisht pa pagesë.

Nga ana tjetër, Marko Mihallovski që drejton forcat e të rinjve te socialdemokratë thotë se prioritet mbetet themelimi i një ministrie për të rinjtë, ndërtimi i një sistemi për mbështetje sociale të të rinjve, si dhe promovimi i rëndësisë që ka shëndeti mendor përkatësisht sigurimi i psikologëve sipas modelit të mjekëve amë.

“Ngritja e standardit jetësor dhe konvikteve për studentët do të jetë angazhimi ynë primar. Do theksuar se këtë e kanë premtuar shumë parti politike përfshirë këtu dhe partinë që përfaqësoj se do të rinovojmë dhe ndërtojmë konvikte të reja, që disi nuk ia dolën. Tani kjo çështje do të jetë në fokus tonin”, thekson Mihajllovski për REL-in.

Në programin zgjedhor të Lidhjes Social Demokrate theksohet se kjo parti do të angazhohet për zhvillimin e softuerit “Youth job – E-Youth job” , nëpërmjet të cilit të rinjtë, gjegjësisht studentët dhe nxënësit e shkollave të mesme do të mund të përfitojnë njohuri për t’u bërë më konkurrues në tregun e punës me këtë dhe krijojnë pavarësi ekonomike.

Në programin e zgjedhjeve parlamentare të socialdemokratëve gjithashtu theksohet se “do të angazhohen për zhvillimin e mekanizmave që të rinjtë ta kenë më të lehtë të jenë pjesë e aktivitetet politike dhe pozitave drejtuese”.

Ndërkaq, nga Koalicioni i Frontit Evropian që udhëhiqet nga Bashkimi Demokratik për Integrim thonë për REL-in se fokusi do të vendoset në përfshirjen e të rinjve në vendimmarrje.

Në programin zgjedhor 2024 të Frontit Evropian, për sa i përket të rinjve, theksohet “nxitja e sipërmarrjes te të rinjtë, si mundësi për ngritjen e cilësisë së jetesës dhe pavarësisë ekonomike në një moshë më të re. Në programin zgjedhor theksohet dhe hartimi i një strategjie për kthimin e të rinjve në vendlindje dhe shfrytëzimin e njohurive të tyre në vend”.

Sergej Popov nga VMRO DPMNE-ja për Radion Evropa e Lire thotë se me prioritet mbetet ndarja e 50 milionë eurove nga buxheti për ndarjen e bursave dhe ndihmave financiare për studentët dhe nxënësit e shkollave të mesme.

Popov thotë se do të angazhohet dhe për sigurimin e kartelave ku të rinjtë do të kenë zbritje për produkte dhe shërbime të caktuara.

“Kemi një program përmbajtjesor të hartuar nga të rinjtë për të rinjtë që më vete përfshin interesat edhe të atyre që jetojnë këtu, po edhe atyre që duhet motivuar për t’u kthyer në vend”, thekson Popov.

Në programin zgjedhor të partisë maqedonase, VMRO DPMNE, theksohet se do të angazhohen që të zhvillohen viset rurale duke vënë theksin në zhvillimin e bujqësisë, përkatësisht do të ofrohen subvencione për çiftet e reja që do të shpërngulen e të kthehen në fshatra.

“Për të mbajtur popullsinë që jeton në zonat rurale, veçanërisht të rinjtë, parashikojmë investime sistematike dhe strukturore në infrastrukturë dhe vende të reja pune në zonat rurale”, theksohet në programin zgjedhor të VMRO DPMNE-së.

Edhe kundrejt ofertave të këtilla të partive politike, më shumë se gjysma e të rinjve nën moshën 29 vjeç të ardhmen e shohin jashtë vendit.Burimi: Radio Evropa e Lirë

Ambasada e Shteteve të Bashkuara të Amerikës në Maqedoninë e Veriut dha një lajm të mirë.

Nga atje thonë se rezultatet e lotarisë do të njoftohen nga nesër.

Ndryshe, SHBA-ja çdo vit organizon lotari përmes së cilës kandidatët e interesuar nga e gjithë bota kanë mundësi të marrin vizë emigrimi.

Nëse keni aplikuar, nga nesër do të mund të kontrolloni nëse jeni në mesin e të përzgjedhurve./Telegrafi/

https://www.facebook.com/share/p/UFNgHsrVjrskH58b/?mibextid=oFDknk

Analiza nuk merr parasysh dëmet e rezervuara dhe nuk bën një projeksion të ndikimit inflacioniste në to në vitet në vijim – gjë që është kyçe për një biznes me bisht të gjatë, pra shërbimin e dëmeve jomateriale në afat të gjatë.

Analiza nuk merr fare parasysh pjesën e kryerjes së aktivitetit dhe nuk mbështetet nga llogaritjet aktuariale dhe projeksionet e kostos.

Analiza përmban dispozita të përgjithshme interpretuese dhe pohime të bazuara në opinion dhe jo në fakte, RMV është një nga vendet e pakta ku shteti ka ende një funksion në përcaktimin e çmimit për AO të detyrueshme pavarësisht se është një ekonomi tregu. BE-ja çdo vit në Raportin e progresit të vendit përmend se kjo ndërhyrje shtetërore është në kundërshtim me rregulloren evropiane dhe se çmimi duhet të përcaktohet nga tregu i lirë, pra të bëhet liberalizimi i këtij tregu.

Me vendimin e miratuar nga Komisioni i Auto-përgjegjësisë, kufizohet pjesa e kryerjes së veprimtarisë, përkatësisht shpenzimet dhe vendoset kontroll 100% shtetëror mbi çmimet e autopërgjegjësisë. Me këtë po largohemi nga parimet e Bashkimit Europian dhe rregullat e ekonomisë së tregut.

Nuk është vetëm informacion se BDI ka mbushur kuti në ditën e zgjedhjeve, kemi një rast të konfirmuar në komunën e Likovës ku Gjykata Administrative ka nxjerrë aktgjykim ku shihet qartë se vullneti i qytetarëve nuk është ai që i përgjigjet rezultatit, tha kryetari i VMRO-DPMME-së, Hristijan Mickoski gjatë vizitës së sotme në komunën e Butelit, shkruan alfax.mk.

Mickoski theksoi se “ketë e themi gjatë gjithë kohës, prandaj apelojmë gjatë gjithë kohës, sepse kemi indikacione se janë mbushur kuti në rreth pesëdhjetë vende të tjera të tilla nëpër Maqedoni dhe dalja është rritur papritur pas orës 18.00”, ka shtuar Mickoski.

Prandaj Mickoski bëri thirrje për vigjilencë, vëmendje më 8 maj.

“Ajo që po shihet nga terreni është një presion i madh, përpjekje për të blerë vullnetin e qytetarëve nga BDI, duke menduar se do të bëjnë rezultat të madh dhe kështu VMRO-DPMNE-ja do të përballet me aktin që të ulet dhe të bisedojë me kryesinë e BDI-së”, tha Mickoski.

Mickoski thotë se është i bindur dhe beson në qytetarët e Maqedonisë, pavarësisht nëse janë maqedonas, shqiptarë, turq, serbë, vllehë, boshnjakë, romë apo të tjerë, se nuk do ta lejojnë këtë.

“Mund t’ju tregoj shembuj në qytete si Vinica, Koçani, Dellçeva, Berova, ku zyrtarë qeveritarë të shoqëruar nga policë që identifikohen si policë tentuan të japin ryshfet edhe në një ndërtesë fetare,” tha Mickoski.

Mickoski konstatoi se vullneti i popullit nuk është rezultat i Bujar Osmanit, por se ai është shumë më i vogël dhe do të jetë edhe më i vogël në periudhën në vijim./medial.mk/

Lideri i Aleancës për Shqiptarët Arben Taravari thotë se 8 Maji do të hyjë në histori si Dita e Ndryshimit.

“Me siguri 8 Maji do të hyjë në histori si Dita e Ndryshimit…disa mund ta quajnë edhe Fillimi i Drejtësisë!”, ka shkruar Taravari

Me kërcimin e 19 vendeve dhe pozicionimin në vendin e 38, sipas raportit të vitit të kaluar të Gazetarë pa kufij, por edhe me paga nën mesataren, kushte të pasigurta për punë dhe raste të kërcënimeve dhe dhunës ndaj gazetarëve, Maqedonia e shënon 3 majin – Ditën e lirisë së mediave.

Në Ditën Botërore të Lirisë së Shtypit (3 maj), mesazh ka përcjellë edhe ambasadorja e SHBA-ve në RMV, Angela Aggeler, e cila theksoi se zgjedhjet nxjerrin në pah rolin vendimtar që media duhet dhe patjetër të luajë gjatë gjithë procesit, transmeton Portalb.mk.

“Sot është Dita Botërore e Lirisë së Shtypit dhe zgjedhjet nxjerrin në pah rolin vendimtar që media duhet dhe patjetër të luajë gjatë gjithë procesit. Shtyp i lirë dhe i gjallë që shqyrton faktet, komunikon idetë dhe propozimet te publiku dhe i shtyn zyrtarët të shpjegojnë qëndrimin e tyre për çështjet që kanë rëndësi për jetën e qytetarëve dhe të përcaktojnë rrjedhën e vendit”, tha ambasadorja Aggeler.

Në RMV me 8 maj do të mbahen zgjedhjet parlamentare dhe rrethi i dytë i zgjedhjeve presidenciale.

Ndërkaq sot, në Indeksin e Lirisë së Medias të Reporterëve pa Kufij (RSF) RMV-ja dhe pse me një rezultat të përgjithshëm më të dobët se vitin e kaluar, u ngjit me dy vende, nga 38 në 36, kjo pasi vendet e tjera në rajon u vlerësuan më keq.

Partitë politike dhe kandidatët presidencialë kanë edhe tre ditë kohë për të prezantuar programet dhe ofertat e tyre para se qytetarët të japin fjalën e tyre të fundit në zgjedhjet e 8 majit, pra të vendosin se kush do ta udhëheqë vendin në vitet e ardhshme dhe si do të jetë përbërja parlamentare, transmeton Portalb.mk.

Të hënën e 6 majit në mesnatë përfundon fushata si për zgjedhjet presidenciale ashtu edhe për ato parlamentare.

Më 7 maj fillon heshtja parazgjedhore dhe më pas të drejtën e votës do ta ushtrojnë personat e sëmurë dhe të pafuqishëm, të burgosurit dhe diaspora.

KSHZ-ja dje ia ka dorëzuar personit të autorizuar në Ministrinë e Punëve të Jashtme materialin votim për në PDK.
MPJ e dorëzon materialin e votimit menjëherë pas marrjes së tij dhe jo më vonë se deri në fund të ditës.

Anëtarët e Komisionet Zgjedhore (KZ) në Përfaqësitë Diplomatike-Konsullore (PDK) votojnë në KSHZ tri ditë para ditës së caktuar për mbajtjen e zgjedhjeve, përkatësisht më 4 maj.

Kujtojmë se në rrethin e parë të zgjedhjeve presidenciale 2024 nga numri i përgjithshëm i votuesve 1.1814.317 votuan 867.000 qytetarë apo 49,94%, prej të cilëve numri i votave të vlefshme ishte 881.272 ndërsa vota të pavlefshme dolën 24.562. Në bazë të rezultateve të fundit, dallimi mes Bujar Osmanit dhe Arben Taravarit ishte mbi 37 mijë vota, ndërsa mes Siljana Davkovës dhe Stevo Pendarovskit ishte mbi 182 mijë vota.

Rrethi i dytë i zgjedhjeve presidenciale do të mbahet me 8 maj së bashku me zgjedhjet parlamentare.