Ministria e Arsimit dhe Shkencës së Republikës së Maqedonisë së Veriut dhe Sekretariati i Iniciativës për Reforma Arsimore në Evropën Juglindore ERI SEE sot dhe nesër (26 dhe 27 shtator) në Shkup, organizojnë “Konferencë Ministrore të Ballkanit Perëndimor për Cilësi dhe Sigurimin e Cilësisë në Arsimi i Lartë”, transmeton Portalb.mk.
“Në konferencën me mbi 80 pjesëmarrës, fjalën do ta marrin edhe ministri i Arsimit nga Maqedonia e Veriut, Serbia, Mali i Zi, zëvendësministri i arsimit të Lituanisë, si dhe drejtori i Iniciativës për reformën në arsim, drejtorët e Agjencive të arsimit të lartë të Kroacisë, Bosnje-Hercegovinës, Shqipërisë dhe Moldavisë dhe përfaqësues të shquar të komunitetit akademik nga Bashkimi Evropian”, thonë nga MASh.
Vendi i mbajtjes së konferencës ndërkombëtare është në “Double Tree Hilton”, duke filluar nga data 26 shtator 2023 ora 9:30.