Çmimet e naftës në tregjet botërore sot u rritën më shumë se katër për qind, pas ofensivës së Hamasit ndaj Izraelit, me ç’rast janë ngritur shqetësime për pasojat për furnizimet në rajonin e pasur me energji.
Nafta e papërpunuar Brent u rrit me 4.7 për qind në 86.65 dollarë dhe West Texas Intermediate (WTI) u rrit 4.5 për qind në 88.39 dollarë në tregjet e hershme sot në tregjet aziatike.
Pas një sulmi të befasishëm të Hamasit palestinez në territorin izraelit të shtunën dhe shpalljes së djeshme të luftës izraelite ndaj lëvizjes ekstremiste palestineze, më shumë se 1100 njerëz janë vrarë dhe ka frikë për një rritje të re të tensioneve në Lindjen e Mesme.
Kriza shpërtheu në një kohë kur çmimet e naftës ishin tashmë të larta për shkak të shqetësimeve për rënien e prodhimit në Rusi dhe Arabinë Saudite.
Analisti Stephen Innes paralajmëroi se historia tregon se çmimet e naftës priren të shohin fitime të qëndrueshme pas krizave në Lindjen e Mesme. Të premten çmimi i naftës përfundoi me një rritje të vogël në Nju Jork.
Për më tepër, javën e kaluar, Organizata e Vendeve Eksportuese të Naftës dhe aleatët e tyre OPEC Plus propozuan ruajtjen e strategjisë aktuale të shkurtimeve të prodhimit, të përforcuar nga reduktimet e Arabisë Saudite dhe Rusisë për të mbështetur çmimet. (INA)
