17/06/2024
18.3 C
Tetovo

Të tjera lajme

Rumania shpenzoi afro 400 mijë euro për pjesëmarrjen në Eurovision dhe mori zero pikë nga publiku dhe juria

TVR transmetuesi publik rumun shpenzoi pak më pak se 400,000 euro për pjesëmarrjen në ‘Eurovision 2023’ në Liverpool.

Libertatea raporton se transmetuesi rumun shpenzoi gjithsej 382,500 euro për pjesëmarrjen në Eurovisionin e këtij viti. Totali përbëhet nga kostot e përzgjedhjes kombëtare, tarifa e pjesëmarrjes dhe kostot që lidhen me performancën në Liverpool, shkruan Eurovoix.

Shpenzimi më i madh për TVR ishte tarifa e pjesëmarrjes prej 180,000 euro për EBU e cila ndihmon në financimin e konkursit. Pas kësaj, 63,000 euro u shpenzuan për finalen e kombëtares rumune që zgjodhi artisti Theodor Andrei për Liverpool.

Theodor Andrei, përfaqësuesi i Rumanisë në ‘Eurovision 2023’ (Foto: Peter Kneffel/picture alliance via Getty Images)

Zbërthimi i plotë i kostos është:

180,000 euro – Tarifa e pjesëmarrjes
80,000 euro – Inskenimi dhe kostot përkatëse për performancën në Liverpool
63,000 euro – Përzgjedhja kombëtare për Eurovision Song Contest
25,000 euro – Kostot e transmetimit në Rumani
23.500 euro – Akomodimi në Liverpool
11,000 euro – Transporti dhe shpenzime të tjera

Theodor Andrei përfaqësoi Rumaninë në Liverpool me këngën “D.G.T.”

Në gjysmëfinale ai mori 0 pikë nga publiku dhe juria duke u bërë përfaqësuesi i parë në historinë rumune të Eurovisionit që nuk arrin të marrë asnjë pikë.

Theodor Andrei, përfaqësuesi i Rumanisë në ‘Eurovision 2023’ (Foto: Peter Kneffel/picture alliance via Getty Images)

Rumania mori pjesë për herë të parë në Eurovision në vitin 1994.

Vendi ishte përpjekur të merrte pjesë në vitin 1993, por nuk arriti të kalonte në raundin parakualifikues. Në garën e vitit 1994, Dan Bittman përfundoi i 21-ti në finale duke arritur 14 pikë, Rumania nuk kaloi në një tjetër finale deri në vitin 1998. Rezultatet më të mira të Rumanisë në garë janë dy vendet e treta.

Në vitin 2005, Luminita Anghel & Sistem përfunduan në vendin e tretë duke arritur 158 pikë, ndërsa Paula Seling & Ovi përfunduan në vendin e tretë në Oslo me këngën “Playing with Fire”.

Të fundit